Odheea 1:7 - Wëël Jwøk

⁷ 'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Odheea 1:7 Iomraidhean Croise

2 Nyeye 19:29

«'Ba ï na Edhekaya en, man otïmö na nyuudhi jïrï; yi cwiir man u cämö ki caammi moa näk bär, ni cwiino ööi u poot cämö ki caammi moa näk bär. 'Ba ri dää cwiiri u pïïdhö ni kääu; ni pïïdhu ki jer omøki ni cammu nyïïge.

2 Nyeye 19:34

'Ba aani, a na Wuuö Jwøk, pääny man gwøa gwøø ni piema gø kiper nyeŋŋa ki nyeŋ dhaanhnha ma Deebit.› »

2 Nyeye 19:35

'Ba kanya tïme na dïwäänögø, nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

2 Nyeye 6:18

'Ba kanya ö jø Arammi piny baŋ Ilaaca, Ilaaca alämö jï Wuuö Jwøk ni kööe, na «A kwaya ïïni, tïïc ge na cööye.» Køøre gena put tïïc na cööye ki køør dwør Ilaaca.

Bwøth Wøk 14:13

'Ba Modhe aköö jï jø Icriel, ni «Käru lwäyö; cuŋŋu karu ni neennu køny mar Wuuö Jwøk mano tïïe kiperu dïcäŋi en; kiper jø Ijep moø neetu dïcäŋi yøø, ge ba cäŋu neennø këët na bäre bäre.

Bwøth Wøk 14:30

Dïcäŋeca Wuuö Jwøk jø Icriel akønye ceŋ jø Ijep, ni ö jø Icrielli ni jootge dëët jø Ijep moa no othøw deŋ Naama Kwaar.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 25:6

Ni ba cäädhu køør juu møøk nee geni tïnynyu ni wøørru geni. Ni ba tïïu ki juu møøk ki ceŋŋu nee cwïnya ba raanynyu; køøre a ba tïïö dëëtu ki gïn mo leth.›

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Odheea 1:8

'Ba kanya ö Gömërri na ŋøl Lö-ruama ki caak, yie acäŋ jïtö ki dhaanhø mør ni lwaare ki gø na dïcwøø.

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

1 Camiel 17:47

ni ö jø Icrielli moi ni rege ege cooŋ kany en, ni ŋäcge gø ni Wuuö Jwøk jiye ba kønye kiper mana dee opëëllö wala tøŋ; kiper leny bäre ena cer Wuuö Jwøk. 'Ba uuni, u na jø Pilitin, u cïbe ceŋwa.»