Obeec Dudi 6:2 - Wëël Jwøk

² Omëëya aci ya ajïniina mare, dï jenni moa näk ŋwääi ni met. Ena ci kuna kwaac pïïth dïëk moe yïth jenni, na apiite moa no oŋøøk cooŋe.

Obeec Dudi 6:2 Iomraidhean Croise

Obeec Dudi 5:13

Ni mïërö mar pïte bëëdö kaamar pwöth jer wø ŋwääi ni met, ni buny dhee caala apiitø mo oŋøøk mo tøøn ki maar riia.

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Jøøn 14:3

'Ba noo cøøa noo jiiŋŋa karu, aano cäŋ duuö, ni lwøra uuni ni käla uuni baŋa, ni kanyo bëëda yie, uuno bëëdö yie thuwø.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Mathiew 18:20

Kiper kany wø näk da jiy ariiø wala jiy adäk mo dëëtge ege cooŋø ki nyeŋŋa, a ena dïge kaace.»

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Edhikiel 34:23

Ni cïpa bäätge ki dïkwääy aciel, ni beeye dhaanhnha ma Deebit. Eni, geno caame; eni ki dëëre geno caame ni put tïmö ni ena dïkwääy marge.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 57:1

Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Obeec Dudi 6:11

Aana løøc piny dï pwöth jer athaloommi kuna raŋa jenni moa no oløth yi gool, nee jooda ki man näk mo jer omøki othiew, wala jer adïkwäle oŋøøk.

Obeec Dudi 4:12

Wui coka, ni bee ï dhaagø-thiinh mara, ï caala ajïniina mo dhee odëëdö, ni beeye ajïniina mo kal mare othørø ki kïte, niï caala iith mo dhee odëëdö.

Obeec Dudi 2:16

Omëëya beeye mara, ni aana mare; eni dïëk moe wø caame yïth apiite.

Obeec Dudi 4:5

Thurï moø na ariiø yøø mïërö ni caala nyïï purre ariiø ma cïp-jwøk, mo ge cämö yïthakic apiite.

Obeec Dudi 4:16

Wui, ï na jam wø ööi ki jï løø wï-piny, ö maal! Wui, ï na jam wø ööi ki jï løø tier-piny, ööï! Ööu ni kwötu dëër ajïniina mara, nee ŋwäänynye na näk met nee kwöt kany mo bäär. Beerra man ö omëërri mara ni døny ya ajïniina mare, ni cam nyïïjenni na beyø na en yie.

Obeec Dudi 5:1

Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.