Obeec Dudi 5:4 - Wëël Jwøk

⁴ 'Ba omëër mara cere aput rwää baŋa ki dhi øtø kanya ŋaam, ni put cwïnya tägö ki pärö kipere.

Obeec Dudi 5:4 Iomraidhean Croise

Wïlöölö 43:30

Køøre Jocep cwïnye apädhö ki gïr coki, ni laar ci kuna many kany jwöŋe yie. Ni ci yi thääŋ øtø maya ni jwöŋe kaace.

Wïlöölö 7:11

Kanya tïm cwiic Nöa na dïpe abïciel, ni nïr dwääy mo riet dwäde apaar ka abïriiø, dïcäŋöca piny bäre aput mudö ki jwïïö, ni ö maalli ni put dhee jap,

1 Nyeye 3:26

'Ba dhaagø mana näk nyilaal mana kwøw beeye mare, cwïnye apädhö døc kiper wääde, ni cääne ki nyeya ni kööe, «Wui, ï na nyeya mara, cïp nyilaal mano ni kwøw enø jï nyaanøgø; kär nyilaal 'nägï.» 'Ba dhaagø maya aköö, ni «Nyilaal man ba tïmö na mara, ni ba tïmö na marï; di pääŋŋö ki dïëre.»

Obeec Dudi 1:4

Nyïï aani buutï, nøø putø aay ennø na aciel! Beerra man ö nyeya mara ni kïth aani yi øtø mare. Wa kanynyø kiperï ni yïthwa omïnnö; mëër marï pwøcwa pwøø ni kaala køøŋ nyïïomøki. Wui, mëër mar nyïïakuue ki ïïni kee kare møn!

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Moa Tïïc Nyïïatwieli 16:14

'Ba dhaanhø aciel dïge mana wïny luumwa beeye nyijø mo nyeŋŋe Lidia, ma nyijø pääny Thayatira, mo wø gädhö ka abïïe ma wøpe, ŋat mo wø bëëdö ni wøøra Jwøk. Eni cwïnye ajap Wuue, ni cek ïthe ki luupa caan Pøølli.

2 Körin 8:16

'Ba pwøc en jï Jwøk, na løø cwïny Tayta baŋu ni mëëye ki uuni døc kaamara.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.