Obeec Dudi 5:1 - Wëël Jwøk

¹ Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.

Obeec Dudi 5:1 Iomraidhean Croise

Wïlöölö 37:25

Køøre gena pï piny nee ge cämge. 'Ba na lwïthge, jø tuuŋ Icmiel mo dïgäthe ajootge ni öö ki yi Gelät ka athïrööle moge, ni ge käära dwøk ki mädhi ma teeŋi, ni kïtha Ijep.

Pwöc Leec Wïc 24:13

Nyie wääda, beeye gïn mo beer ki man camï maar kïc, ni dhiï oŋwëënhnhi ki maar kïc mana näk tëëma.

Pwöc Leec Wïc 9:5

ni «Ööï, ni cämï ki cam mara, ni mädhï ki køøŋ nyïïomøki mana nywøba.

Luup Dïpööy 2:5

aana tïïö ka ajïniine ki kwör jwöm røk mo opïïthö ki jenni kiper dëëra, ni piidha teeŋ jenni bëët yïthge mo wø nyïïge cam;

Obeec Dudi 1:13

Omëëya bëëdö jïra kaamar dwøø mo ŋwäänynye met mo okwøø yo opïr, ni wø but yïthakic thura.

Obeec Dudi 4:16

Wui, ï na jam wø ööi ki jï løø wï-piny, ö maal! Wui, ï na jam wø ööi ki jï løø tier-piny, ööï! Ööu ni kwötu dëër ajïniina mara, nee ŋwäänynye na näk met nee kwöt kany mo bäär. Beerra man ö omëërri mara ni døny ya ajïniina mare, ni cam nyïïjenni na beyø na en yie.

Obeec Dudi 4:8

Wui, ï na dhaagø-thiinh mara, cøø piny na aciel ki bäät Kïn Libaanø. Wui, cøø piny na aciel ki bäät Kïn Libaanø. Løøyø piny ki bäät Kïn Amana, ni løøyø piny ki bäät Kïn Canër ki Armön, ni beege kwör bëëte mo ŋuuwe, na kïte mo wø bëët kwäänynye bäätge.

Obeec Dudi 6:11

Aana løøc piny dï pwöth jer athaloommi kuna raŋa jenni moa no oløth yi gool, nee jooda ki man näk mo jer omøki othiew, wala jer adïkwäle oŋøøk.

Obeec Dudi 6:2

Omëëya aci ya ajïniina mare, dï jenni moa näk ŋwääi ni met. Ena ci kuna kwaac pïïth dïëk moe yïth jenni, na apiite moa no oŋøøk cooŋe.

Obeec Dudi 8:1

Wui, doo naa ï caala coka ma dïcwøø mana dhøøth thunh mera; aani ni näk miï yaa joodø wøk, dhiï daa nuumö, ni bäŋ ŋat mo jääl aani.

Obeec Dudi 8:13

Wui, ï ni en yïth ajïniine, nyïïawääta yïthge ege ciiø ki dwørï; beerra man wïnynya dwørï.

Aydheea 23:18

'Ba jammi moo joode ki køør gath mare ocïp kur keerge jï Wuuö Jwøk. 'Ba jammi moøgø ba kan wala ba cïp piny ki man mëët bäätge; 'ba owëëk jiy mo wø bëëdö ni wøøra Wuuö Jwøk, nee tïmge na mo ŋeewge ki caammi mo orømø kiper dëëtge ka abïïga beyø.

Aydheea 5:1

Aani a wär ki duut jï ŋata mëëra ki gø, ni bee duut mo cäänö kaper omëëya ki pwöth jer omøki mare. Ŋata mëëra ki gø jïre da pwöth jer omøki yïth ŋøøpa beyø nyäär thuur.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Luk 12:4

«Nyïïawääta, a cäänna uuni, ni käru nou lwäyö ki jø wø 'näk dëël, ni wø bäŋ gïn mo maarge tïïc køør gø këët.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Moa Tïïc Nyïïatwieli 11:29

Ni ö bääŋi ni jïëcge ki man jääŋge jap køny jï nyïïmëëe moa en Judia, ni ŋati man nø cïpö kaawat mano en cere.

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.

Pïëmme 14:11

'Ba kanya ö jøøgø na jootge Camcøn gena kännö ki jak ma tïëŋ ki eni ma pïëradäk nee bëëtge buute kaagø.

Pïëmme 14:20

'Ba cï Camcøn acïp jï lwömme aciel røk tïëŋge moa bëëdö buute kaagø.