Obeec Dudi 4:8 - Wëël Jwøk

⁸ Wui, ï na dhaagø-thiinh mara, cøø piny na aciel ki bäät Kïn Libaanø. Wui, cøø piny na aciel ki bäät Kïn Libaanø. Løøyø piny ki bäät Kïn Amana, ni løøyø piny ki bäät Kïn Canër ki Armön, ni beege kwör bëëte mo ŋuuwe, na kïte mo wø bëët kwäänynye bäätge.

Obeec Dudi 4:8 Iomraidhean Croise

1 Nyeye 4:33

Ena cäänö thuwø kiper bëët jenni, ni tägi ka jenni moa døøŋŋø na en yi lur Libaanø këël mana këët ri moa thenh thenh ni wø tuy ri kiir; ni cääne kiper bëët lääy ki weny ki gïï wø muuli ki piny, ki rec bëët.

2 Nyeye 5:12

?Aŋø, ba beyø pï Abana ki Parpar, näp Damacka, ni kaala pï näp Icriel bëët? ?Aŋø, ba doo løny jïra ki mana daa lwøk yïthge ni di dëëra døø kare ni waany?» Kanyøgø ree aput løk ni aae ni eno gootø døc.

1 Luup Nyeye 5:23

'Ba thääŋ jø tuuŋ Maneeca anyaay ni thööth, ni bëëtge yi ŋööm Baacan këël mana këët pääny Baal-Armön ki Kïn Canër ki Kïn Armön.

Dut Pwøc 76:1

Pwöc Leec Wïc 9:6

Wec bëët thïnh acaara, niï bëëdï niï kwøw, ni cäädhï øtjöör ŋäc tiet luup.»

Obeec Dudi 2:13

Olämmi anø ŋweel ki nyïëdi, ni ö jer omøki moa no oŋøøk ni nø ŋwänyge ni met. Ö maal nø, omëëya, ni ööï baŋa, ni bee ï omëër mara na mïërö.»

Obeec Dudi 5:1

Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.

Obeec Dudi 7:11

Omëëya, ööï, nøø aa wøk ki dï pääny; ö waa cøø yïth atude moa en wøk, ni thöörø wäär kunece.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Edhikiel 27:5

Geni, jenni moa no oŋørø na geer ïïni ki ge bëët kälge ka bäät Kïn Canër. Gena kännö ki jaath mo pere leth ki yi lur Libaanø, nee tïïc na jaath man wø cwöth yi baabuur ni wø lïër abïï jamø bääte.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Tiet Ciik 3:25

A kwaaya ïïni, wëëk a ŋut løø Naam Jördan løøga, nee ŋöömma beer na en løø Naam Jördan kaace jooda, ni beege mïëya en bäät kïte na beyø, ki kanya cwøl ni Libaanø.›

Tiet Ciik 3:9

'Ba ki baŋ jø Caydan, Kïn Armön wø cwølge ni Ciriyön, ni ö jø Amör ni cwølge gø ni Canër.

Jøcua 12:1

Kar kaaca jø Icriel nyeye moa näk ariiø mo jø Amör ege nø böötö ni macge mïëri moge. 'Ba ŋöömö manøgø ena løø Naam Jördan jï løø kur tuul-cäŋ, ni tägi ka Naam Arnön këël mana këët ri Kïn Armön, ki gool mana cwøl na Araaba.