Obeec Dudi 4:1 - Wëël Jwøk

¹ Omëëya, a teeŋ mïëyaŋø ni mïërï ki gø en! Wui, a teeŋ mïëyaŋø ni baŋï en! Nyeŋŋï nëëni ni mïërö kaamar akuuru tier abïï mana näk iï loop wïïï; ni jïëyï nëëni kaamar pïïth atëëe mo kööla piny ki bäät Kïn Gelät.

Obeec Dudi 4:1 Iomraidhean Croise

Obeec Dudi 1:15

Omëëya, a teeŋ mïërö mo nyïëdi ni mïërï ki gø! Wui, a teeŋ mïëya ŋø ni en jïrï en! Nyeŋŋï nëëni ni mïërö kaamar akuuru.

Obeec Dudi 2:10

Omëëya acäänö ki aani ni kööe, «Ö maal nø, omëëya, ni ööï baŋa, ni bee ï omëër mara na mïërö.

Obeec Dudi 2:14

Wui, omëëya, ï ni caal akuuru mo ena yïth aleye ki yïth kïte, mo ree ee kanø kany mo diiny deŋ kïdi en, beerra man nyoothï täärnyïmï jïra, ni tïïyï dwørï nee wïnynya, kiper dwørï met ni täärnyïmï mïërö.

Obeec Dudi 6:5

Wec aani ki raŋŋø ki nyeŋŋï nø, kiper wïïa akierge. Jïër moï caala pïïth atëëe mo löönynya piny ki bäät Kïn Gelät.

Obeec Dudi 6:7

Pïtï nëënö tier abïï mana näk iï loop wïïï kaamar nya adikwala mo opääŋŋö na thäŋi ariiø.

Obeec Dudi 7:5

Wïïï nëëni ni mïërö kaamar Kïn Karmël, ni jïër moï rege døøllø ni mïërö, ni caala waare ma dïmuur, ni mïërö mar jïëyï, nyeya pute ka böötö.

Jeremaya 22:6

«Kiper luumma caan Wuuö Jwøki kiper paan dwøŋ man mar nyeny Juuda beeye en: «Ï na paan dwøŋ en, këël na bëëdï jïra niï beer kaamar ŋööm Gelät, niï mïërö kaamar wï Kïn Libaanø, ka adïëri man, aani, ï tïïa tïïö kaamar paap ma tëën, ni tïïa ïïni kaamar päänye mo ba beet.

Edhikiel 16:14

Ni put nyeŋŋï wïnyö dï wïth juurre ki køør mïërö marï; kiper ajiem mana cïba jïrï, mïërö marï awëëk thur kare. Luummögø caana aani, a na Kwäärö Wuuö Jwøk.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Kwään Jiy 32:1

'Ba kar kaace nyïïkwaac Ruben ki nyïïkwaac Gaat jïge da dhäk mo thööth døc. Køøre kanya ö nyïïkwaac Ruben ki nyïïkwaac Gaat na jootge ŋööm Jadher ki ŋööm Gelät na kany mo orømø kiper dhäk,

Kwään Jiy 32:40

Ni ö Modhe ni cïp ŋööm Gelät jï nyïïkwaac Makir o Maneeca, ni bëëtge kaace.

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.