Obeec Dudi 3:3 - Wëël Jwøk

³ 'Ba jø wø kurö ni ge wïdö dï pääny, aana jootge; ni puta ge pëënynyö ni kööa, ni «?Ŋata mëëra ki gø ki cwïnya ajootu?»

Obeec Dudi 3:3 Iomraidhean Croise

Obeec Dudi 1:7

Wui, ï na mëëra ki ïïni, caanï jïra, ?A kaa ŋø ni wø kwaayï dïëk moï yie? ?Na kaa ŋø ni wø wëëgï dïëk moï jwöm yie ki dhöör? Caanï jïra, naa ba tïma kaamar dhaagø mo wïïe ee loobø kaamar kääbi, mo cäädhö yïthakic dïëk mo nyïïawäädi moï.

Obeec Dudi 5:7

'Ba jø koor mo wø kurö ni ge wïdö dï pääny, ni beege jø wø koor kiir, aana jootge ni putge aani pwöt, ni moocge dëëra ki ŋwiili, ni kälge aleeŋŋa mara ni aacge ki gø.

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Aydheea 62:6

Wui Jerucalem, Wuuö Jwøk acïpö ki dïkuye bäät kiir marï, mo ge bëëdö ni ge rwääö ki yi cäŋ ki wäär bäre ni ge ba lïŋi. 'Ba uuni ni wø par wï Wuuö Jwøk, kär dee jwöm mo tïïyu kiper dëëtu,

Edhikiel 3:17

ni «Wär dhaanhø, ïïna jiera niï tïmï ni ïïna ŋat koor kiper jø Icriel; luubö mano wïnynyï dhaa jaak, ge wär köömmï ki gø ki nyeŋŋa.

Jøøn 20:15

Ni kö Jecu jïre, «?Nyijøøe, agïnaŋø ni jwøgï? ?Aŋa ni cayï?» 'Ba kaa mana näk ee gø caarø ni beeye wää pwöthögøøni, ena köö jïgø, ni «Kwäärö, nee käla ïïni, caan kanya kïthï gø yie jïra, nee käla.»

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.