Obeec Dudi 1:7 - Wëël Jwøk

⁷ Wui, ï na mëëra ki ïïni, caanï jïra, ?A kaa ŋø ni wø kwaayï dïëk moï yie? ?Na kaa ŋø ni wø wëëgï dïëk moï jwöm yie ki dhöör? Caanï jïra, naa ba tïma kaamar dhaagø mo wïïe ee loobø kaamar kääbi, mo cäädhö yïthakic dïëk mo nyïïawäädi moï.

Obeec Dudi 1:7 Iomraidhean Croise

Wïlöölö 37:16

Ni kö Jocepi, ni «Aani a manynya uutwära. Beerra man caanï kanya kwääcge yie ki dïëk.»

Dut Pwøc 18:1

Dut Pwøc 28:1

Dut Pwøc 80:1

Obeec Dudi 2:16

Omëëya beeye mara, ni aana mare; eni dïëk moe wø caame yïth apiite.

Obeec Dudi 2:3

Omëëya nëënö dï obwöc cwøw kaamar jaath mo bääte oninøn ki nyïëdi yïthakic jenni mo paap. Aani yia met ki man pïïa piny tïpö mare, ni kany wø cama nyïëdi moe, put dhaa ka jwør ni met.

Obeec Dudi 5:10

Omëër mara kïte mïërö døc ni dëëre pulli, ni eni di ŋiiø ki yïthakic cwøw ma kume apaar.

Obeec Dudi 5:16

Eni buny dhee ŋweeth kiree, ni ena ŋat mo cwïny pärö kipere døc. Wui, nyïïakuk Jerucalem! Ŋatøgø beeye omëër mara, ni ŋatøgø beeye nyawatwa.

Obeec Dudi 5:8

Wui, nyïïakuk Jerucalem, a cäänna uuni, ni näk mo omëër mara jootu joodø, wär caannu jïre ni kööu, no «Omëër marï dëëre onøkiil ki mëër.»

Obeec Dudi 6:2

Omëëya aci ya ajïniina mare, dï jenni moa näk ŋwääi ni met. Ena ci kuna kwaac pïïth dïëk moe yïth jenni, na apiite moa no oŋøøk cooŋe.

Obeec Dudi 6:3

Aani, aana mar omëëya, no omëëya beeye mara; bee eni ni wø kwaac pïïth dïëk moe dï apiite moa no oŋøøk.

Obeec Dudi 8:13

Wui, ï ni en yïth ajïniine, nyïïawääta yïthge ege ciiø ki dwørï; beerra man wïnynya dwørï.

Aydheea 13:20

Otïmö ni bäŋ jiy yie, ni ba beet, ki mano täge ri beenhnhø maneca këël mano këët røk beenhnhe moo ööi. Ni bäŋ jø Araba mo cwödha oduŋkaare moge yie, ni bäŋ dïkwääye mo tïïc lääc paac moge nee butge piny yie.

Aydheea 26:9

Cwïnya bëëdö ni lääŋŋa ïïni ki wärre bëët, ni ö jwïëya ni bëëde ni manynya ïïni døc. Kiper ŋøl marï na näk adïëri kanyo ö bäät piny, jø bäät piny ge kwänynyö ki bëët adïëri.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 5:1

Aani a wär ki duut jï ŋata mëëra ki gø, ni bee duut mo cäänö kaper omëëya ki pwöth jer omøki mare. Ŋata mëëra ki gø jïre da pwöth jer omøki yïth ŋøøpa beyø nyäär thuur.

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Jøøn 10:11

Aana dïkwääy mana näk adïëri. 'Ba dïkwääy mana näk adïëri jwïëye cïbe cïbö kiper dïëk.

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

1 Piter 2:7

'Ba ki jïïu, u no ojïëy ni ŋäädhu, pere letha jïïu. 'Ba ki jï jøø ni kär jïëy yøø, «Beeye kïnnögø ki dëëre na kwier dïgëëte, na tïmö ni beeye pïëmi mar gøøt,»

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»

Ruuth 2:21

Ni ö Ruuthi nyijø Möap ni kööe, ni «Gïn mør acaane jïra thuwø; ena köö, ni ‹Ï doo bëëdö na aciel ki jø tïïc 'moa, këël mano thum beelli 'moa ki kac bëët.› »