Obadiya 1:19 - Wëël Jwøk

¹⁹ Kanyøgø jøøa en dïtëën mana en jï løø tier-piny mar ŋööm Juuda, ŋøøp jø dhi øt Icøø na en bäät kïte olwørge, ni ö jøøa en tiet kïte jï løø kur pänh-cäŋ ni lwørge ŋøøp jø Pilitin na marge. Geni thuwø ŋøøp jø Ipariem ki ŋøøp jø Cameria olwørge na marge. Ni ö jø tuuŋ Benjamen ni lwørge ŋøøp jø Gelät na kurge.

Obadiya 1:19 Iomraidhean Croise

2 Nyeye 17:24

'Ba nyeny Aciria akännö ki jiy ki Babiløn ki Kuta, ka Awi, ka Amath, ki Cepar-Waym, ni kïth ge yïth päänye mo Cameria nee bëëtge kwöra wara bëët jø Icrielli yïthge; ni put Cameria tïmö na marge, ni putge bëëtö yïth päänye moe.

1 Luup Nyeye 5:26

Kiper manøgønø, Jwø Icriel atïïö cwïny Puul nyeny Aciria, ni beeye Tiglat-Pilëëcër, ni mak ge ki tøŋ ni käl geni, ni beege jø tuuŋ Ruben ki jø tuuŋ Gaat ki thääŋ jø tuuŋ Maneeca, ni kïth geni ya Alay ka Abör ka Ara ki bäät Naam Gödhan, ni putge bëëte yie këël dïcäŋi en.

Edhera 4:17

Køøre aløk nyeya ki yi wëëlö ni kööe, na «A määtha ïïni, ï na kwäärö ma Reum, u ki Cimcay ŋat wø göör luup akwöma piny, ki jø wø tïïu ki geni na aciel mo wø bëëdö Cameria ki moa en yïth mïëri møga moa en paac mana cwøl ni Løø Naam Upareeti Løøga.

Edhera 4:2

gena ö baŋ Dherubabel ki dïbwöthe mo wïth tuŋi ni köge, ni «Beerra man gëëdø ki uuni na aciel, kiper waani, wa manynya Jwøk maru ni wa caala uuni; ni wa bëëdö ni wa cïpö ko olämme jïre ki mana täge ki ri nïne moa beet Ëcaradön nyeny jø Aciria na käl waani kany.»

Jeremaya 32:44

Jiy pwöth oŋeewge ki gwel, ni göörge luum ŋïëw piny yïth weet ŋïëw, ni mwönge geni nyïm jiy mo ege cwølø. Gïnögø otïïcge yi ŋööm Benjamen, ki mïëri moa en deŋ Jerucalem, ki yïth mïëc Juuda, ki yïth mïëri moa en bäät thuuri, ki yïth mïëri moa en yi ŋöömma näk ree ee päärö, ki yïth mïëri mo Nëgëp. Kiper bëëtö marge 'cäŋa dwøk kare ni beer.» Luummögø caana Wuuö Jwøki.

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Edhikiel 25:16

kiper manøgønø, Kwäärö Wuuö Jwøk aköö, ni ‹Ka adïëri møn, aani, a ena bäät man tïŋa cera maal bäät jø Pilitin ki man jääla geni, ni ö jø Kelita ni raanynya geni, ni raanynya thäkge moo dööŋ deŋ naama dwøŋ.

Edhikiel 36:28

Uuni, u bëëdö yi ŋöömö mana cïba jï kwäyu; ni bëëdu ni uuna jiy 'moa, ni bëëda ni aana Jwøk maru.

Amøc 1:13

Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.

Amøc 1:8

Ni raanynya jøøa bëëdö yi Acdöt, ki ŋata en teek paaci cere na en Ackelön. Ni løøa cera røk jø Akarön, ni ö moa näk odööŋ røk jø Pilitin ni thumge.» Gïnögø caana Wuuö Jwøki.

Amøc 9:12

Køøre nø, jøw moa dööŋ dëët jø Ëdöm, ki juurre bëët moa no ocwøl ri nyeŋŋa, otïmö ni ena ceŋ jø Icriel.» Beeye Wuuö Jwøk ni cäänö enø, ni bee eni noo tïïc gø.

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Kwään Jiy 1:32

Ki røk nyïïkwaac Ipariem na käl ri Jocep: Cwøw bëët moa näk cwiicge tägi ka pïërariiø këël mo kaala pïërariiø, moa näk løny jïge ki man cige baŋ leny, nyeŋge agöör piny na aciel aciel ki køør tuŋi moge ki køør dhøk uudi moge.

Jøcua 13:25

'Ba ŋøøm moa cïp jïge beege Jadher, ki päänye mo Gelät bëët, ki thäk ŋøøm mo jø Amön, ni put aay ni këët Aröör na näk neeta rege ki Raaba;

Jøcua 13:31

ki thääŋ Gelät thuwø, no orwöbö na aciel ki Actaröth, ki Edaray, ni beege päänye moa en cer Ög na en yi ŋööm Baacan. 'Ba ŋøøm moøgø aput tïmö na mo nyïïkwaac Makir o Maneeca, ni puti cïp jï nyïïkwaac Makir møga ki køør dhøk uudi moge.

Jøcua 15:21

'Ba päänye mo jø tuuŋ Juuda na en yi ŋöömö marge jï løøa näk kïïö ki Ëdöm ki jï løø tier-piny beege Kapcël, ka Adër, ki Jagur,

Jøcua 15:33

'Ba päänye moa en yi ŋöömma näk ree ee päärö beege Ëctaöl, ki Dhöra, ka Acena,