Obadiya 1:18 - Wëël Jwøk

¹⁸ Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.

Obadiya 1:18 Iomraidhean Croise

2 Camiel 19:20

Kiper aani, a na dhaanhnhï, ŋääa ni aano bääyö; ni ka adïëri møn, beeye tiere gø na ööa dïcäŋi en, ni aana ŋata dïkwøŋ røk jø Icriel bëët na kwøŋ pïï nee røømme ki ïïni, ï na nyeya mara.»

Bwøth Wøk 5:12

Køøre jiy akeethø dï ŋööm Ijep bäre nee ge känge ki juuk beel.

Aydheea 10:17

Eni na näk tar mar Icriel otïmö na maac, ni ö eni na en kur keere ni tïme na leep maac. Ni ö maaøgø ni put koodhi ko otwel mo Aciria thöör ki dïcäŋ aciel keere.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 47:14

Neenï, jøøgø, ge tïmö kaamar luum mo otal, ni waaŋi ya maaci. Geni, ge ba løny ki man piemge dëëtge cer teek leep maac. 'Ba manøgø paa maac mo di juŋö ki gø, ni paa maac mo pïïa piny deŋŋe.

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 9:18

Ka adïëri møn, bëët rääö wääŋö kaamar maac, ni wø thöör otwel ki koodhi, ni tïme ni caala maa dwaar kany wø waaŋ lul, ni ö jïrö mare ni neetul maal.

Aydheea 9:19

Piny waaŋ ki køør wëër mar Wuuö Jwøk, eni na wïth jammi bëët, ni tïm jiyi na jer maac mo liel maaci ki ge, ni put tïmö ni bäŋ ŋat mo cwïnye pädhi ki gïr watge.

Jeremaya 11:23

ni bäŋe dhaanhø aciel rege mo dööŋ ni kwøw. Kiper gïï mo leth okäla bäätge, ge na jø Anathöth, yi cwiir mano jääla geni yie.»

Edhikiel 37:16

«Wär dhaanhø, lwötï ka athøra aciel ni göörï luubö man bääte, ni kööï, ni ‹Man beeye kiper Juuda ki jø Icriel moa näk odwätö ki eni.› Køøre wärï cäŋ lwötö ka athøra mør ni cäŋï luubö man göör bääte, ni kööï, na ‹Athøra mar Ipariem beeye mar Jocep ki jø Icriel bëët moa näk odwätö ki eni.›

Edhikiel 37:19

wärï kööï jïge ni man beeye luumma caan Kwäärö Wuuö Jwøki, ena köö, ni ‹Aani, athøra mar Jocep käla kälö, ni beeye athøra mana en cer Ipariem ki jø Icriel moa näk odwätö ki eni, ni dwala gø ka athøra mar Juuda, ni tïïa ge na aciel, ni putge tïmö na athøra aciel cera.›

Jool 2:5

mo döötge wïnyö ni caala jïëth leny mo wø tut okwëënyi kany wø nigeluŋŋa ki bäät kïte, ni döötge wïnyö ni caala maac mo tinynyi kaamar man wø waaŋ thiek beelli, ni caala jø leny mo teek mo ojiiŋŋø kiper leny.

Amøc 1:8

Ni raanynya jøøa bëëdö yi Acdöt, ki ŋata en teek paaci cere na en Ackelön. Ni løøa cera røk jø Akarön, ni ö moa näk odööŋ røk jø Pilitin ni thumge.» Gïnögø caana Wuuö Jwøki.

Amøc 5:15

Männu ki gïna raac, ni mëërru ki gïna beer, ni cïpu ŋøl ma kare kar løøk; kanymør Wuuö Jwøk, eni na wïth jammi bëët, yie bänhnhö ki jø paac moa dööŋ.

Amøc 6:6

Uuni ni wø maath kwøk nyïïomøki ka arööt mo døøŋŋø, ni wïïrru dëëtu ki mädhi mo ŋwäänyge met, 'ba u ba kïmmi kiper ränynyö mar jø Icriel.

Obadiya 1:16

Kaawat mana bëëdu nou mädhö jaak bäät kïnna na en kur keere, wïth juurre bëët thuwø geno bëëdö ni ge mädhö jaak. Geno mädhö ni bøømge, ni tïmge kaamar gïn mo bäŋgø na bäre bäre.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

1 Körin 3:12

'Ba ni näk da ŋat mo gëëta bäät tier ødøgø, ni gëëdö ka warkey, wala gwet-bïrö, wala nyeŋ kïte mo perge leth, wala jenni, wala luum, wala thieŋ,