Obadiya 1:17 - Wëël Jwøk

¹⁷ 'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Obadiya 1:17 Iomraidhean Croise

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Jeremaya 44:28

'Ba mo nøk keerge moo bøth dho opëëllö, geno aa wøk ki yi ŋööm Ijep ni døøge yi ŋööm Juuda. Køøre jø Juuda bëët moo dööŋ moa ö Ijep baŋ bëëtö, kar kaace oŋäcge ki man näk mo thura luumma kare wala marge.

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Edhikiel 36:12

Jiya ma jø Icriel ge wëëga wääth bäätï, ni lwørge ïïni na kurge, ni putï tïmö ni ïïna kar bëëtö jïge na bäre bäre. Køøre nø obwöre moge ba wëëgï thøø këët.›

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Jool 3:5

Kiper uuni warkey mara, ki gwel-bïrö mara, ki jap kwär 'moa akällu ni kïthu ge yïth uut juu mou.

Amøc 9:8

'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Dhekaraya 8:12

Kiper maalø køth ojääŋŋe piny, ni ö köödhi ni tucge, ni ö omøki ni nywølge ki nyïëdi, ni ö jap pinynyi ni ciekge. Japøgø bëët wëëga tägö kiper thäk jøøi moa dööŋ ni kwøw.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.