Obadiya 1:15 - Wëël Jwøk

¹⁵ «'Ba cäŋ mar Wuuö Jwøk kiper wïth juurre bëët kare cään; gïïa tïïyu dï tïïö dëëtu; ni tïïe moa tïïyu dwøga wïthu.

Obadiya 1:15 Iomraidhean Croise

Acther 9:25

'Ba kanya ö luumma raac na tuut Amaanni ki riek waŋ kiper jø Juuth na pïïe baŋ nyeya, weeli aput göör ki køør dwør nyeya nee gïna tïïc Amaanni nee døø bääte, nee eni ki wääte lïër.

Jööp 24:1

«?A yi wäne nø noo ö Jwøa en teeki jïre noo cïp cääŋŋe piny mo ŋøl luup? ?A yi wäne nø noo ö jø wø ŋäc eni noo raŋge cääŋŋe moøgø?

Pwöc Leec Wïc 5:22

Ŋata raac okïth raayi moe ya abïëp, ni ö eni ni twöyi raayi moe ki thøøli.

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 49:12

Kiper man caan Wuuö Jwøki en beeye en: «?Ni näk mo jøøa näk athöönh ajäla ba dege maadhø, maathge maadhø, uuno kääŋu nidïï ni ba maathu? U mäthö, ni ba kääŋu ka ajäla.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 51:56

Kiper geni ni wø räänyö ööa kuna tukge Babiløn, ni ö jø lenynyi moe moa teek ni maai ki tøŋ, ni ö athëëre moge ni tøyi; kiper Wuuö Jwøk beeye Jwøk mo cudö ki kwöri, ni kwöri di coolø na kare.

Edhikiel 30:3

Kiper dïcäŋöca kare aløny ni cään; cäŋ Wuuö Jwøk kare aløny ni cään, ni beeye cäŋ mo maal gääbö ki pøøl, na cäŋ ränynyö mar wïth juurre.

Edhikiel 35:11

Kiper manøgønø, kaawat man bëëda naa kwøw en, a na Kwäärö Wuuö Jwøk, a caana gø jïrï, aani, ï jääla jäälö ki køør wëër marï ki keec marï mana nyoothï bäät jiya kiper mana mänï ki geni; ni ööa ni nyoodha dëëra dïge kanyo jääla ïïni.

Edhikiel 35:15

Kiper yiï amïnnö kanya räny ŋööm Icrielli; ni bee tiere noo coola kwör dëërï en. Wui, ï na Kïn Cëër, ï ränynyö, ni bee ïïni ki ŋööm Ëdöm ki kare bäre. Køøre nø, ŋäcge ŋääö ni bee aani na Wuuö Jwøk.›

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 2:1

Uuni, koothu tuuŋ yi Dhayan, ni koothu ka bäät Kïn Wuuö Jwøk na en kur keere! Jø wø bëëdö yi ŋöömö bëët beerra man tïm dëëtge ni kwanynyi, kiper cäŋ mar Wuuö Jwøk öö; ka adïëri møn, kare aløny ni cään.

Jool 2:11

Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?

Amøc 5:18

Otïmö ni raac jïïu, u ni many dïcäŋa näk mar Wuuö Jwøk. ?Agïnaŋø noo duu dïcäŋa näk mar Wuuö Jwøki jïïu? Dïcäŋa näk mar Wuuö Jwøk otïmö na muudhö ni patha tar.

Amøc 5:20

?Aŋø, dïcäŋa näk mar Wuuö Jwøk paa beeye muudhö ni patha tar? Kare møn, beeye dïcäŋ mo cøl ni bäŋ tar yie.

Mikiya 5:15

'Ba aani, ki køør wëër mara na dwøŋ, wïth juurre moo ba wïny mara, marge dwøga dëëtge.»

Abakuk 2:8

Uuni kiper mana twierru wïth juurre mo thööth, wïth jiy bëët moo dööŋ ni kwøw u twierge twierø, kiper uuni rem jiy akønynyu piny, ni tïïu ki gïï mo leth yi ŋöömö, ki yïth päänye, ki dëët jiy moa bëëdö yïthge.

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

Pïëmme 1:7

Ni ö Adöni-Bëdhëk ni kööe, ni «Nyeye ma pïërabïriiø mo lweet ceŋge moa døøŋŋø ki lweet tietge moa døøŋŋø oŋøørø, ge wø kwänyö ki caammi moa no odhäthö tier tharabëëta mara; 'ba ki køør gïna tïïa dëëtge, Jwøk teeŋ gïnögø acoole dëëra thuwø ennø.» 'Ba Adöni-Bëdhëk aputge käl Jerucalem ni thøø kaace.