Obadiya 1:12 - Wëël Jwøk

¹² 'Ba u ba doo bëëdö jaak nou raŋŋa jï nyïïmëëgu dïcäŋa jwørge gïïa leth na tägö dëëtge; nou ba doo kanynyø bäät jø Juuda dïcäŋ ränynyö marge; nou ba doo ŋeethø bäätge dïcäŋ kïmmö marge.

Obadiya 1:12 Iomraidhean Croise

Jööp 18:20

Jiy moa en jï løø kur pänh-cäŋ yïthge athäŋŋö ki gïna tägö dëëre; ni ö jiyi moa en jï løø kur tuul-cäŋ ni bwøkge ki gø døc.

Jööp 31:29

«?Aŋø, aani, yia wø mïnnö wø bëëde ki gïn mo leth mo tägö dëër nyimänna, wala a wø kanynyø kiper gïna leth na ö bääte?

Pwöc Leec Wïc 17:5

Ŋat wø buu ŋat mo can janynya Jwøk na cwääc ŋatøgø, ni ŋat wø yie mïnni ki gïï wø leth ni wø tägi ba kääŋi ka ajäla.

Aydheea 37:24

Ïïna ŋwöö bääta, a na Kwäärö Wuuö Jwøk, ki dhøk jiy moa jääŋŋï, ni kööï, ni «Aana ci wïth kïte maal ki jïëth leny 'moa mo thööth mo wø tut okwëënyi, ni cøøa yi lur Libaanø kuya; ni ŋøda jen moe piny moa bäyö na perge leth, ni dønynya yi lul mana cøl kuya.

Wëël Kïmmö 2:16

Nyïïmän mou bëët dhøkge ajapge bäätu, ni buuge ni ge kaaca lakge, ni köge, ni «Wïthge dïïrwa dïïrö ennø. Ka adïëri møn, man beeye cäŋa koorwa kiperge; waana pïï yie ennø, ni jootwa gø.»

Wëël Kïmmö 4:21

Wui, jø Ëdöm, yïthu mïnge ni kanynyu nø, u ni wø bëëdö yi ŋööm Uc; 'ba uuni athöönh ajäla di jääŋŋö baŋu thuwø, ni mäthu ni meerru ni dööŋŋu ki dëëtu.

Edhikiel 35:12

Køøre nø, ŋäyï ŋääö ni bee aani na Wuuö Jwøk na wïny japa reyø bëët na caanï dëët kïte mo Icriel, na kööï, ni «Gena nø niruuth piny ni ränyge, ni cïp geni jïwa, ni camwa geni na mowa.»

Edhikiel 35:15

Kiper yiï amïnnö kanya räny ŋööm Icrielli; ni bee tiere noo coola kwör dëërï en. Wui, ï na Kïn Cëër, ï ränynyö, ni bee ïïni ki ŋööm Ëdöm ki kare bäre. Køøre nø, ŋäcge ŋääö ni bee aani na Wuuö Jwøk.›

Edhikiel 36:5

gïna caan Kwäärö Wuuö Jwøki jïïu bee en, ena köö: ni Aani, a cäänö ni cwïnya okëënynyö ki wïth juurre møga ki jø Ëdöm bëët. Geni, ŋöömö mara akälge kiper dëëtge ni cwïnyge päŋ ki met ec ki män, nee japa beyø na en yie twierge.›

Mikiya 4:11

'Ba ennø, u na jø Dhayan, wïth juurre mo thööth dëëtge adwalge na aciel kiperu, ni köge, ni ‹Dhayan ränynyö; ni neetø ränynyö mare ki nyeŋŋø.›

Luk 19:41

'Ba kanya ö Jecu na tïm kare ni cään na neen pääny, ena jwöŋö ki gïr gø,

Jeemeth 3:5

Kaawat manøgønø, leep a thääŋ dëël mo thiinh, 'ba eni töödö ka gïï mo døøŋŋø. Neennu, paap bäre wø waaŋa maaci mo thiinh.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.

Mana Nyooth 13:5

'Ba Läänögø omooø ki dhøk mo cara luup atöör ki luup mo reyø døc mo janynya Jwøk. Ni eno wëëk man cääne ki cuum mare ki dwäde ma pïëraŋween kurriiø.

1 Camiel 2:3

'Ba u na jiy, kär cäänö maau ree këët nou ŋwöö; kär dee gïn ma gïr ŋwøe mo cura dhøgu; kiper Wuuö Jwøk beeye Jwøk mo jammi bëët ŋäya eni, ni beeye eni wø neet bëëtö mar jiy.