Obadiya 1:1 - Wëël Jwøk

¹ Man beeye luumma nyooth jï Obadaya, ni beeye gïna caan Kwäärö Wuuö Jwøk kiper jø Ëdöm. Da luubö ma awïnywa ki baŋ Wuuö Jwøk, ni da dhaanhø mo ojääŋŋö baŋ wïth juurre, mo käära dwøl mo köö na ennø nø, ni «Ööu maal ni cøø baŋ leny ki jø Ëdöm!»

Obadiya 1:1 Iomraidhean Croise

Wïlöölö 25:30

ni kö Icøø jï Jeekap, na «A mooc ki gïno kwaar enøgø nee weedha, kiper aano näk käci.» Kiper manøgø nø nyeŋŋe acwøl ni Ëdöm.

Wïlöölö 36:8

Ni ö Icøø na näk Ëdöm ni daa Cëër, paana näk po kïte, ni bëëde yie.

Wïlöölö 36:9

'Ba man beeye luum nyïïkwaac Icøø na näk kwar jø Ëdöm moa bëëdö Cëër paana näk po kïte.

Aydheea 21:11

'Ba luumma nyooth Wuuö Jwøki kiper jø Duma bee en: Dhaanhø mør cwödö ki Cëër, ni kööe, ni «?Ŋat koor, a kany mo nyïëdi noo dööŋ kiper wäär? ?A pëënynya ïïni, naa kany mo nyïëdi noo dööŋ kiper wäär?»

Aydheea 21:12

Ni løgi ya ŋat koorri, ni kööe, ni «Øw ba kääŋi ki man ööe, 'ba poot da wäär mo öö thuwø. 'Ba ni näk miï poot manynya pïëc, wärï cäŋ duuö ni pëëï.»

Aydheea 30:4

Këël na bëëtge ni kwääri moge onø ci yi Dhöän, ni jøøa jääŋge onø pïï Anec,

Jeremaya 25:17

Kanyøgø athöönh ajäla aputa lwør cer Wuuö Jwøk, ni cïba gø jï wïth juurre bëët moa ö Wuuö Jwøki ni jääŋ aani baŋge nee maa dëëtge ki man maathge gø,

Jeremaya 25:21

ki jø Ëdöm, ki jø Möap, ki jø Amön;

Jeremaya 51:46

Uuni, kär cwïnynyu bwøk, ni ba lwäyu ka akøpi mo wø cari yi ŋöömmi en, ni beeye akøpi mo wø cari ni da gïn mo tägö yi cwiir man, ni cwiino ööi, poot da akøpi mo di carø. Ni ö ŋöömmi bäre ni jïte ko okiera, ni kwäärö man nø këëdö ki kwäärö maya.

Edhikiel 35:1

'Ba dwør Wuuö Jwøk aö bääta ni kööe,

Jool 3:19

Ijep ränynyö ni tïme na tëën, ni ö Ëdömmi ni tïme na paap mo otal, kiper gïïa leth na tïïcge dëët jø Juuda, ni beeye yi ŋöömma kønyge rem jiy piny yie mo bäŋ gïn mo ege baaø.

Mikiya 2:13

Wuuö Jwøk jöö di jabø ni ci maal nyïm jiye, ni ö jiyi ni cige køøre, ni cørge dhi kiir, ni cige wøk ki yie. Nyeya marge beeye noo cäädhi nyïmge, ni eni na Wuuö Jwøk beeye noo bwödhö maal wïthge.

Mathiew 24:6

'Ba mänye ki waac mänye owïnynyu. 'Ba kär cwïnynyu bwøk. Kiper gïïögø kwøŋa tägö, 'ba cuŋŋe poodi.

Maak 13:7

'Ba kanyo wïnynyu mänye ki waac mänye, kär nou bwøk. Kiper gïïögø kwøŋa tägö, 'ba cuŋŋe poodi.