Neeyam 3:9 - Wëël Jwøk

⁹ Ithiöpia abëëdö na teek mare, këël ki Ijep, ni bëët teeki mare ni bäŋ cuŋŋe; ni ö Puti ki Libya ni bëëtge na jø køny gø.

Neeyam 3:9 Iomraidhean Croise

Wïlöölö 10:6

Wäät Kaam beege Kuuc, ki Micram, ki Put, ki Keenan.

1 Luup Nyeye 1:8

'Ba wäät Kaam beege Kuuc, ki Micram, ki Put, ki Keenan.

2 Luup Nyeye 12:3

ni ööe ki jïëth leny ma kuma ki dïpe ariiø mo wø tuut okwëënyi, ki cwøw leny ma kume ma pïërabïciel mo këëdi ka bäät okwëënyi. 'Ba jø leny moa öö ki eni ki Ijep ba løny ki kwaan, ni jø leny moøgøøni beege jø Libya, ki jø Cuka, ki jø Kuuc.

2 Luup Nyeye 16:8

?Aŋø, ba thöötha jø leny mo jø Kuuc ki jø Libya, ki jïëth leny moge na thööth mo wø tut okwëënyi ki jø leny moge mo wø këëdi ki bäät okwëënyi? 'Ba kiper mana bëëdï niï ŋäätha Wuuö Jwøk, gena cïp Wuuö Jwøki cerï.

Aydheea 20:5

Køøre jiy bëët puta lwäyö døc ni lää wïthge kanyo täk gïnögø dëët jø Kuuc na näk ege ŋäädhö, ki dëët jø Ijep na wara ŋwöge kiperge.

Jeremaya 46:9

Wui, u na jø Ijep mo wø cäädhi ki bäät okwëënyi, ki u ni wø cäädhi ki yïth jïëth leny mo wø tut okwëënyi, pööthu maal ni rïïŋu ki geni døc kaamar ŋwïëc bøøl. Ni ö jø lenynyi mou moa teek, ni beege jø Ithiöpia ki jø Put ni wø käär kööt leny, ki jø Lidiya ni wø thöödhö ka athëëre ni pööthge nyïm.

Edhikiel 27:10

« ‹Jø Parca, ki jø Lidiya, ki jø Put, ge bëëdö ni gena jø leny dï jø leny moï, ni kööde mo leny mo wø gëëŋ dëël ki ge ki mo wø røø wïc ege lïër dëërï, ni ö nyeŋŋï ni putge gø tïŋ maal.

Edhikiel 29:7

'Ba kanyo makge ïïni ki ceŋge, ï puta toor, ni cööbï göökge, ni kany wø piemge dëëtge ki ïïni, ï puta toor, ni ö pëëtge ni putge rege jak.›

Edhikiel 30:5

« ‹Ni ö jø Kuuc ki jø Put, ki jø Lidiya, ka Arabe bëët, ki jø Libya, ki jø ŋöömma luumme tuut, ni putge 'näk na aciel ki jø Ijep.›

Edhikiel 31:2

«Wär dhaanhø, caanï jï Peerø nyeny Ijep ki lwaak mare, ni kööï, «ni ‹?Ï röömï ki ŋa ki dööŋ kar marï?

Edhikiel 38:5

Ni dwala jø Parca bäätï, ge ki jø Kuuc ki jø Put, ni ge käädö ki kööt leny bëët ki cööc nywïëny,

Daniel 11:43

'Ba eni jïtö ki teek bäät jap kwärö mo warkey, ki mo gwel-bïrö, ki bäät jammi moa perge leth bëët mo Ijep, ni ö jø Libya ki jø Ithiöpia ni caathge køøre.