Neeyam 3:11 - Wëël Jwøk

¹¹ Ï na Nineba thuwø, ï tïmö kaamar ŋat mo omeer ki køøŋø. Kar gwøk røk marï omanynyï niï kana riï ki nyïïmän moï.

Neeyam 3:11 Iomraidhean Croise

Aydheea 2:10

Cou yïth agäp-kïte, ni kannu dëëtu kwöra ŋammø yïth ŋøøm, nou lwäära wëëc Wuuö Jwøk ka ajiem mare na dwøŋ.

Aydheea 2:19

'Ba jiy oreŋ kwöra ŋammø yïth kïte ki kwöra ŋammø yïth ŋøøm, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 29:9

Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 63:6

Wïth juurre anyøra ki gootø mara, ni wëëga ge meerø ki køør wëër mara, ni kønynya remge piny yïth ŋøøm.»

Jeremaya 4:5

«Caannu yi Jerucalem, ni køpu gø dï ŋööm Juuda bäre, ni kööu, ni ‹Koothu tuŋi dï paac bäre.› Tïŋu döötu maal ni kööu, ni ‹Cooŋŋu rou kanya aciel nøø reŋŋø yïth päänye moa no ogeerø ni teek.›

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Odheea 10:8

Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Amøc 9:3

Këël røkge dige kana wï Kïn Karmël, ge manynya manynyø ni käla ge wøk ki kaace; këël røkge dige kanø ki aani yi naama dwøŋ kany mo päŋ døc, thwöl mana en tiet pïï köömma köömmö ni kaac geni kaace.

Mikiya 7:17

Geni, geno ööi ni ge muulö yi tør ki bäp yïthge kaamar thwöl, ki gïï wø muuli ki yïth ŋøøm, ni ge ö wøk ka kwör gwøk røk moge ni dëëtge kwanynyi ki lwär, ni ge ööa nyïmï, ï na Wuuö Jwøk, Jwøk marwa, ni dëëtge miel, ni bëëtge ni ge lwäär nyïmï.

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Neeyam 2:1

Wui Nineba, ŋat mo keetha ïïni ööa baŋï! Koor kar gwøk røk, ni neetï nyeŋ jïëthe, ni twöyï riï, ni cooŋï jø leny moï!

Luk 23:30

'Ba kanyøca geno köö jï kïte, ni ‹Ööu, päthu bäätwa.› Ni luumge thuuri, ni ‹Ööu, rïëpu wa.›

1 Camiel 13:6

'Ba kanya ö jø Icrielli na ŋäcge gø ni gïn mo leth ööa bäätge, ni bëëtö marge tïmö ni teek, jiy rege akange yïth uut kïte, ki yïth abuŋŋe moa døøŋŋø, ki yïthakic kïte, ki kwöra no otïïö na kwör gwøk røk, ki yïth buri.

1 Camiel 14:11

'Ba kanya ö jagøgø na ariiø yøø na nyoothge rege jï jøøa en kar koor mar jø Pilitin, jø Pilitin aput köö, ni «Neennu, jø Ibaru yøøke; marge beeye ööny wøk ki yïth buri kwöra näk dëëtge ege kaannø yïthge.»