Neeyam 3:10 - Wëël Jwøk

¹⁰ 'Ba jø Thëbic gena käl ni ge mak ka tøŋ, ni ö obwöre ni gøyi ki piny nyeŋ jïëthe ni pet ge na thäŋi, ni ö dïbwöthe moe ni pääŋŋi ki køør nyuuthe mo wø tïïc ki ri kwääk ki baw, ni twöc geni ko oguudi.

Neeyam 3:10 Iomraidhean Croise

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

Jööp 6:27

Uuni, uuna jiy mo løny ki man tïïu ki gïï mo reyø dëët obwöre moa näk kïïe ki køør ŋïïce mo wø tïïc ki ri kwääk ki baw, ni pïëmmu bäät gät nyïïawäädi mou nou gatha ge na laaŋe.

Aydheea 13:16

Obwöre moge moa therø di gøyø ki ri kïte ni petge ni nëënö jïge; ni ö gïïa en yïth uudi moge ni twieri, ni buudö ki määrge ki teek.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 19:4

'Ba aani ge poot cïba cer nyeya mo raac, ni tïŋŋa maal bäätge ki nyeya mo teek mo wïnni.» Manøgø caana Kwäärö Wuuö Jwøk, eni na wïth jammi bëët.

Aydheea 20:4

Kiper nyeny Aciria jø Ijep ki jø Kuuc moa näk ee maa ki tøŋ 'okäle ni aae ki geni, ni beege obwöre ki jø døøŋŋø, ni ge käl ni ge cäädhi ka dëëtge ni thääthge ena wøk, ni bäŋ war tietge, ni put tïmö na lään wïc mo dwøŋ døc jï jø Ijep.

Wëël Kïmmö 2:19

Pänynyu maal kany wø ö jø koorri mo wäär noo täkge ki koor, ni jwöŋu ni döötu ena maal. Gwääru cwïnynyu wøk bäre kaamar pänh jwïïö nyïm Kwäärö Wuuö Jwøk. Thaaŋu ceŋŋu maal baŋe kiper kwøw mar obwöre mou moa therø na näk oräp piny ki käc nyeŋ jïëthe.

Wëël Kïmmö 4:1

Aŋø, warkey otïmö ni cøl nidïï; Aŋø, warkey mana tøŋ ree ee wiilø nidïï! Gïïa beyø na geer Øt Jwøk ki ge, aøc piny këël mana pïïcge nyeŋ jïëthe.

Edhikiel 29:7

'Ba kanyo makge ïïni ki ceŋge, ï puta toor, ni cööbï göökge, ni kany wø piemge dëëtge ki ïïni, ï puta toor, ni ö pëëtge ni putge rege jak.›

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Jool 3:3

Geni thuwø gena tïïö ki ŋïïce ki ri kwääk ki baw kiper jiya, ni ö nyilaar dïcwøø ni gathge gø kiper käp, ni dwøkge nyilaar nyakøø pwödhö ki køøŋ nyïïomøki nee maathge.

Amøc 1:13

Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.

Obadiya 1:11

Kiper dïcäŋa ö jøøa pathi na tøcge dhøk kiir mo Jerucalem, ni tïïge ki nyuuthe kiper gø ki man pääŋge gø yïthakicge, ni dønyge yi gø ni twierge jap kwär mo gø, uuna cuŋŋö buutge ni dëëtu you waanyø, ni tïmu nou caala geni.