Neeyam 2:2 - Wëël Jwøk

² Wuuö Jwøk ajiem mar jø Juuda dwøge kare, kaawat mano dwøk ajiem mar jø Icriel kare, këël na bëëtge ni geno twier dïtwïëte, kaawat man wø tïïc dïlïm omøki ni nyïëdi jaaŋge jaaŋŋø.

Neeyam 2:2 Iomraidhean Croise

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Jeremaya 25:29

Kiper ennø, aana nø tägö ki man jääŋŋa gïn mo leth bäät pääny mana näk cwøla ri nyeŋŋa. ?A uuni, uuno bøthu nidïï nø nou ba jääla? Uuni, u ba bøth ka ajäla. Kiper mäny 'käla bäät jiy bëët mo wø bëëdö bäät piny.» Luummögø caana Wuuö Jwøki, eni na wïth jammi bëët.›

Jeremaya 48:11

«Jø Möap gena bëëdö ni geno nikwak poge ki mana täk paaci, ni ge bëëdö kaamar køøŋø mo onïër piny, mo kär daa yi dak maya; kiper geni, ge kär kïth paac mør ni ge mak ki tøŋ. Kiper manøgønø, ge caala køøŋø mo mete bëëdö kare, ni ŋwäänynye kär wïïtö.

Jeremaya 49:9

Kany wø ö jiyi wø pønge nyïïjenni, ge wëëö ki mo thenh. Ni kany wø ö kuuwe ki wäär baŋ kwal, ge kwala mo wø manyge keerge.

Edhikiel 37:21

ni kööï jïge ni man beeye luumma caan Kwäärö Wuuö Jwøki, ena köö, ni ‹Ka adïëri møn, aani, jø Icriel käla wøk ki dï wïth juurre kwöra näk geno aa yïthge. Ge cuuŋa cuuŋö ki yïth kwörögø bëët ni duua geni yi ŋöömö marge;

Edhikiel 37:23

Ge ba bëëdö ni dëëtge ege päädö këët ki juuga reyø moge ki kït gïï wø lamge, na näk ec raac ki ge, wala ki teeŋ raay moge møga bëët. Kiper aani, ge piema piemø yïth raay moge moa wara enge yïthge, ni penya geni; ni bëëtge na jiy 'moa, ni bëëda ni aana Jwøk marge.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Neeyam 2:10

Nineba di twierø ni ränynye ni neeruuth, ni ö cwïny jiy ni bwøkge, ni ö nyeŋ cøŋge ni pöötge rege, ni ö pëët jiy ni nigelway, ni ö täärnyïmge bëët ni nigiduk.

Neeyam 3:14

Tööm dëërï ki pïï kiper kanyo bëët kiirri no ociel dïër. Tïïc kwör gwøk røk moï ni teek. Ci yo odhöönh ni cwöthï gø, ni tïïï ki thuube.

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.