Neeyam 1:6 - Wëël Jwøk

⁶ ?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Neeyam 1:6 Iomraidhean Croise

1 Nyeye 19:11

Køøre Wuuö Jwøk aköö, ni «Ö wøk ni cuŋŋï wï kïdi nyïma, a na Wuuö Jwøk; køøre aani, a pöödhö ki buutï.» Ni ö atuunna mo päl mo kwödö ni teek ni pääŋ kïte ki dïge, ni ö kïte moa therø ni tøcge na thäŋi nyïm Wuuö Jwøk. 'Ba Wuuö Jwøk ba en ya atuunna manøgø. 'Ba køør atuunna, dïjäŋ piny aput tägö; 'ba Wuuö Jwøk ba en yi dïjäŋ piny manøgø.

Jööp 26:11

Were mo maal, dëëtge wø tïmö ni kwanynyi ki lwär nyïme, ni thäŋ yïthge ki dwør juuk mare.

Jööp 40:11

Køny wëër marï wøk kaamar naam mo kwödö døc, ni raŋŋï jøøgø bëët ni töödö yøø ni wëëgï ge lään wïc.

Jööp 9:5

Eni kïte wø daae daaø ni bäŋ gïn mo ŋäcge, ni jaal geni ki wëër mare.

Aydheea 10:16

Kiper manøgønø, Kwäärö Wuuö Jwøk, eni na wïth jammi bëët, ojäägi ki täw mo leth dï jø leny moa no olør mo nyeny Aciria, ni ö ajiemmi mar nyeny Aciria ni nyebi ki maac mo liel døc.

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 27:4

Aani, a ba wëër ki gø këët. 'Ba ni näk mo da ŋat mo känna bääta ko otwel ki koodhi ni mare leny, aani, ge nyøøna piny ni puta ge waaŋ na bäre bäre.

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Wëël Kïmmö 2:3

Eni teek mar jø Icriel bäre araanynye ki køør wëër mare ni wø liel kaamar maac. Eni cer cwïïe adøle ki geni nyïm nyïïmän moge. Eni mïëri mo Jeekap awaaŋe ki maac, ni dïïr wïth jammi bëët këël ki moa en deŋge.

Wëël Kïmmö 2:4

Atheerø mare aniit baŋwa kaawat man wø tïïc nyimänni, ni niide ka cer cwïïe. Jiy bëët moa mïërö ki waŋ anääe kaawat man wø tïïc nyimänni. Wëër mare ni wø liel kaamar maac akïth bäät uudi mo jø Dhayan.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Edhikiel 21:31

Gootø käla bäätu, ni ö wëërri mara ni wø liel kaamar maac ni kønynya gø bäätu; aani u cïba ceŋ jiy mo reyø døc mo geno kwänynyö døc ka aranya.

Edhikiel 30:16

Ijep waaŋa waaŋø ki maac, ni ö gïn mo leth ni päth bäät Pëlucëm. Kiir Tëbic otoor piny, ni ö Mëmpici ni ba ö wøk yïth japa leth.

Edhikiel 39:6

Aani maac ojääŋŋa bäät ŋööm Magöök, ki bäät jø wø bëëdö yïth mïëri moa en bäät naama dwøŋ ni wø bëëdö ni bäŋ gïn lääŋge; køøre nø ŋäcge ŋääö ni bee aani na Wuuö Jwøk.

Edhikiel 7:8

Aani, ki kany mo cään, wëër mara kønynya bäätu, ni liel cwïnya ki uuni døc; ni ŋøla luup mou ki køør bëëtö maru, ni ö gïïa raac eci ki ge na tïïyu ni dwøga ge wïthu.

Neeyam 1:2

Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Jepaniya 2:2

kanyo poode nou poot kär jwieø wøk kaamar lethø, kanyo poot wëëc Wuuö Jwøk ni wø liel kaamar maac ni poot kär ö bäätu, kanyo poot cäŋ wëëc Wuuö Jwøk ni poot kär ö bäätu.

Milkiya 3:2

?'Ba aŋa noo løny jïre ki man jïëny gïïo tägi dïcäŋo ööe? ?Na aŋa noo cuŋŋi kanyo pïïe? Kiper eni caala maac mo twøna warkey nee tïme ni tøŋ, ni caala caabuun man wø tïïc abïï ni tar.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mana Nyooth 16:1

Kanyøgø dwøl mør mo päl awïnynya Øt Jwøk Mana Dwøŋ, ni dwøl manøgø köömma nyïïatwiet maal karge bïriet, ni kööe, ni «Cou ni kønynyu kuure karge bïriedi mo wëëc Jwøk bäät piny.»

Mana Nyooth 16:8

Ni ö ŋweer nyïïatwiet maalli ni køny kuura mare bäät cäŋ, ni wëëgi man waaŋ jiy ki maac.

Mana Nyooth 6:17

Kiper cäŋa dwøŋ na näk mar wëër marge apïï. ?Na aŋa noo maar cuŋŋö?»