Neeyam 1:5 - Wëël Jwøk

⁵ Kïte atïmö ni jäŋŋi nyïme, ni ö thuuri ni nigemwøny piny. Piny tïmö ni kwanynyi nyïme, këël ki jiy moa en bäät piny bëët.

Neeyam 1:5 Iomraidhean Croise

2 Camiel 22:8

«'Ba ki køør teegï, piny aput tïmö ni kwanynyi ni jäŋŋi, ni ö kwöra näk maal ocwää rege ni putge rege tuk, ni putge tïmö ni jäŋŋi ki køør wëër marï.

Jööp 26:11

Were mo maal, dëëtge wø tïmö ni kwanynyi ki lwär nyïme, ni thäŋ yïthge ki dwør juuk mare.

Jööp 9:5

Eni kïte wø daae daaø ni bäŋ gïn mo ŋäcge, ni jaal geni ki wëër mare.

Bwøth Wøk 19:18

Kar kanyøgø Kïn Caynay atïmö na jïrö bäre, kiper mana ö Wuuö Jwøki na ö bäät kïdi manøgø ki maac. Ni put jïrö tïmö ni nyäälö bäät kïdi kaamar jïc dwaar, ni ö kïdi manøgø bäre ni put tïmö ni jäŋŋi døc.

Aydheea 24:1

Raŋŋu, Wuuö Jwøk piny jale jalø ni raany gø; ni wëëk gø niruuth, ni keeth jiy mo wø bëëdö yie.

Aydheea 24:20

Ni tïm pinynyi ni bøømmø kaamar dhaanhø mo omeer, ni tïme ni jäŋŋi kaamar abïla, kiper raay moe na peek bääte, ni pädhe ni ba løny ki ööny maal këët.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 4:24

Kanya raŋa kïte, ka adïëri møn, gena jooda ni ge jäŋŋi, ni jooda thuuri bëët ni dëëtge kwanynyi.

Edhikiel 38:20

'Ba rec mo naama dwøŋ, ki wec maal, ki lääc paap, ki gïïa no ocwääö bëët ni wø muuli ki piny, ki jiy bëët moa en wï ŋöömö, dëëtge otïmö ni kwanynyi nyïma. Kïte rege ojaalge, ni ö aleye ni ŋaarge, ni ö kiiri ni pänhge piny yïth ŋøøm.

Jool 2:10

Kanyo poode dïkwøŋ, piny ree di jäŋö nyïmge, ni ö maalli ni tïme ni kwanynyi, ni ö cäŋŋi ki dwääy ni tïmge ni cøl, ni ö ceerri ni ba rienyge këët.

Amøc 9:5

Wuuö Jwøk, eni na wïth jammi bëët, piny di gudö ni put tïmö ni jäŋŋi, ni ö jø wø bëëdö yie bëët ni kïmge; Ni tïm pinynyi bäre ni kwöda maal ni døøa piny, kaamar naam Ijep ni wø päŋ ni døøe.

Mikiya 1:4

Ni ö kïte kwöra nyøre ni leenyge kaawat man wø leeny gage ki maac, ni løøcge piny ki yïth agäm-kïte kaawat man wø løøc pïïyi piny ki kany mo ree ee lääŋö.

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mathiew 27:51

'Ba kanyøgø abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny. Ni ö pinynyi ni jäŋ ree, ni kaaŋ kïte.

Mathiew 28:2

'Ba piny ojïtö ki dïjäŋ piny mo dwøŋ døc. Kiper nyïïatwiel maal mar Wuuö aöö ki maal ni daak kïdi dhi bwörö, ni pï piny bäät gø.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 6:14

Ni ö maalli ni rwäänye keda mar wëëlö mo di dølø. Ni ö kïte bëët ka acuule ni daai kwörge.

Pïëmme 5:5

Kïte atïmö ni jäŋŋi ki teegï, ï na Wuuö Jwøk; këël Kïn Caynay atïmö ni jäŋŋi ki teegï, ï na Wuuö Jwøk, Jwø Icriel.