Neeyam 1:3 - Wëël Jwøk

³ Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Neeyam 1:3 Iomraidhean Croise

2 Camiel 22:10

Wui Wuuö Jwøk, maal ajapï ni ööï piny, ni kanya cäädhï, kuna näk da tietï piny da pöölö mo cøl døc.

Neemiya 9:17

Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Jööp 10:14

Ni näk mo aano tïïö ki raay, a diï joodø, ni ba diï a wiiø ki jääl ki køør bääyö mara.

Jööp 38:1

Køøre Wuuö Jwøk luubö aløøe jï Jööp ki ya atuunna, ni kööe,

Jööp 9:4

Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Aydheea 29:6

Kwäärö Wuuö Jwøk, eni na wïth jammi bëët, oööi ni cwöba røk, ni jääl ïïni ki køth mo märö, ki dïjäŋ piny, ki dwøl mo löörö, ka atuunna, ki køth mo ree da atuunna, ki maac mo räänyö.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Joona 4:2

Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Dhekaraya 9:14

Kar kaace Wuuö Jwøk ree onyoodhe bäät jiye ki man køny geni, na atheerø mare nadaaŋ kaamar agaackøth. Kwäärö Wuuö Jwøk tuuŋ okoodhe, ni wëëk atuunna kwönnö ni teek ki jï løø tier-piny.

Kwään Jiy 14:18

ni ‹A na Wuuö Jwøk a ba laar wëër, ni mëëya ni wø ba jøøl päl, ni ŋat mo obääyö ki ŋat ma adhala wëënna wëënnö. 'Ba ŋat raay poot ba wiia ka ajäla, ni raay moa tïïc wëëe poot coola coolø dëët obwöre moge, këël mano pïïe dää beenhnhe wala ŋweer beenhnhe.›

Mathiew 26:64

Ni dwøgi ya Jecu jïre, na «Acaanï na kare. 'Ba a cäänna uuni, ni køør man en, Wär Dhaanhø oneennu no opï bäät cer cwïï Jwøk na en teeki jïre, ni ööi ka bäät pøøl mo maal.»

Jeemeth 1:19

'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.