Neeyam 1:2 - Wëël Jwøk

² Wuuö Jwøk beeye Jwøk mo cwïnye këënynyö, mo kwör di coolø. Wuuö Jwøk kwör di coolø, ni ena wää wëër. Wuuö Jwøk kwör di coolø dëët jø wø kwier eni, ni bëët wëërri mare bäät nyïïmän moe.

Neeyam 1:2 Iomraidhean Croise

Jööp 20:23

'Ba kanyo en bäät cam ni cämö nee jääŋe, Jwøk wëëye owëëk lwör bäät gø kaamar køth ni eni ena bäät cam.

Bwøth Wøk 20:5

Kär geni lamï, ni ba tïnynyï geni, kiper aani na Wuuö Jwøk na näk Jwøï, aana Jwøk ma ŋat keec, ni jø wø män ki aani, gïïa bacge kïtha bäät obwöre moge ni jääla geni këël dää beenhnhe, ni put pïï ri ŋweer beenhnhe.

Bwøth Wøk 34:14

Kär dee jwøk mør jaak mo lammu, kiper a na Wuuö Jwøk, na näk nyeŋŋa Këëny, aana Jwøk ma ŋat keec møn.

Bwøth Wøk 34:7

ni beeye wø gwøk mëëye ni wø ba jøøl kiper jiy ma kum kum, ni ŋat mo obääyö, ki ŋat adhala, ki ŋat mo otïïö ki gïï mo reyø di wëënnö; 'ba ŋat raay poot ba wiie ka ajäla, ni raay moa tïïc wëëe poot di coolø dëët obwöre moge ki nyïïkwaacge, këël mano pïïe dää beenhnhe wala ŋweer beenhnhe.»

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 51:20

Kiper dëët jiy moï aööl, ni bëëtge ni geno päänhnhö nyeŋ jïëthe, kaamar aŋer mo omaa ki thøøl, ni ge bëëdö ni geno omeer ki wëëc Wuuö Jwøk, ni beeye juuk mar Jwøk marï.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 25:15

Man beeye luumma caan Wuuö Jwøki jïra, eni na Jwø Icriel, ena köö, ni «Lwør athöönh ajäla man ni yie da køøŋø ni en cera en, ni nyootha wëër mara, ni cïpï gø jï wïth juurre moo jääŋŋa ïïni baŋge bëët nee maathge.

Jeremaya 28:8

Nyïïkuk Jwøk moa kwøŋ nut nyïmmø cøøn, da gïï maa køpge, ni beege gïï lenye ki gïr gïï mo leth ki gïr täwe mo reyø moo tägi dëët tiet mïëri mo thööth ki dëët akwöm moa døøŋŋø mo nyeye.

Jeremaya 3:5

?Aperŋø nø ni poot bëëdï niï wëëyö cooth, niï poot bëëdö ni ïïno gootø na bäre bäre?›? Neenï, këël na caanï luupögø, ï poot tïïö ki gïïa reyø mo wø løny jïrï jaak.»

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Edhikiel 36:6

Kiper manøgønø, cäänï kiper ŋööm Icriel ni kööï jï kïte, ki thuuri, ka aleye, ki gøli, ni man beeye luumma caan Kwäärö Wuuö Jwøki, ena köö, ni ‹Aani, a cäänö ni cwïnya okëënynyö naa wëër, kiper uuna bëëdö nou cooyø ka ajaany mar wïth juurre.›

Edhikiel 38:18

'Ba gïno tägi dïcäŋeca bee en: Kanyo ö Gööki noo tuk ŋöömö mar Icriel, aani wëër mara mo lïëth kaamar maac oput ö maal. Luummögø caana aani, a na Kwäärö Wuuö Jwøk.

Edhikiel 38:19

'Ba ki køør këëny cwïny mara ki wëër mara ni wø liel kaamar maac, a caana gø ni dïcäŋögø otïmö ni da dïjäŋ piny mo dwøŋ døc yi ŋööm Icriel.

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Edhikiel 5:13

«Køøre wëër mara ni wø liel kaamar maac nijook, ni ö wëërri mara ni døø piny ki geni, ni ö yia ni thume. 'Ba kanyo poot wëërri mara ni ena bäätge, oputge ŋäc ni beeye aani na Wuuö Jwøk na cäänö ki geni ni aano këëyö.

Edhikiel 6:12

Ŋato en kany mo bäär onäk täwi, ni ö ŋato kare cään ni nääi ko opëëllö, ni ö ŋato dööŋ dï pääny noo ciel dïër ni nägi ya käci. Kanyøgø nø, wëër mara owëëga thöör bäätge.

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Jool 2:18

Køøre Wuuö Jwøk gïr ŋöömö mare tïmö ni päl cwïnye, ni päth cwïnye ki gïr jiye;

Ciik Kiper Dïlämme 26:28

aani ki dëëra kiree, ageem mara ki uuni puta ka tïïc na wëër dëëtu, ni jääla uuni kwöre abïriiø kiper raay mou.

Mikiya 5:15

'Ba aani, ki køør wëër mara na dwøŋ, wïth juurre moo ba wïny mara, marge dwøga dëëtge.»

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Dhekaraya 1:14

Køøre nyïïatwiel maal mana cäänö ki aani aköö jïra, ni «Gøø luubö man piny na ennø nø: Ni man beeye luumma caan Wuuö Jwøki, eni na wïth jammi bëët, ena köö, ni ‹Aani, aana këëyö døc kiper Jerucalem ki Dhayan.

Dhekaraya 8:2

ni «A na Wuuö Jwøk na en wïth jammi bëët, dwøra mana caana bee en: ‹Aani, aana këëyö døc kiper Dhayan; cwïnya awaaŋ ki këëny mana këëya kipere.› »

Kwään Jiy 25:11

ni «Piniac wär Eliedhar, nyikwaar Aran na näk Kwääy Lam Mana Dwøŋ, wëër mara apaanye bäät jø Icriel, kiper gïna keea, akeee thuwø dï jø Icriel; køøre, aani jø Icriel kära thöörö këët ki køør këëny mara.

Wëëlö Mana Göör Pøølli Baŋ Jø Röm 12:19

Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »

Wëëlö Mana Göör Pøølli Baŋ Jø Röm 13:4

Kiper kwäärö ena ŋat tïïc mar Jwøk kiper niï bëënynyï. 'Ba ni näk miï tïïya gïn mo raac, wär lwäärï. Kiper eni opëëllö bäŋ wø kääri jaak. Kiper ena ŋat tïïc mar Jwøk, ŋat wø tïïc ajäla dëër ŋat wø tïïc raay.

Tiet Ciik 4:24

Kiper Wuuö Jwøk na näk Jwøu beeye Jwøk ma ŋat keec, ni caala maac ni wø thöör jiy.

Tiet Ciik 7:10

'Ba kwöre wø coole coolø dëët jø wø män ki eni, ni put wïthge dïïr. Eni ba ruu ki man cool kwöre dëër ŋat wø män ki eni.

Ibaru 10:30

Kiper eni na caan gøøni, ni «Cool kwör beeye mara, ni beeye aani noo cool gø,» ŋääø. Ni cäŋ köö, ni «Wuuö Jwøk mar jiye oŋøle.»

Jøcua 24:19

'Ba Jøcua aköö jï jø Icriel, ni «Uuni, ba løny jïïu ki man tïnynyu Wuuö Jwøk; kiper eni, ena Jwøk mo ena kur keere, ni ena Jwøk mo këëyö. Eni gïïa bayu ki raay mou ba wëënne.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.