Neeyam 1:12 - Wëël Jwøk

¹² Man beeye mana caan Wuuö Jwøki: ni «Këël na bëët jø Nineba ni ge teek ni ge thööth døc, wïthge poot di dïïrö ni rwäänyge. U na jiya, këël na tïïa uuni nee dëëtu jïtge ki ŋwiili, uuni u ba tïïa nee dëëtu jïtge ki ŋwiili këët.

Neeyam 1:12 Iomraidhean Croise

2 Nyeye 19:35

'Ba kanya tïme na dïwäänögø, nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

2 Nyeye 19:37

'Ba dïcäŋ aciel ni eni lämö øt Nicrøk, jwøk mare, ena put wääde ma Adramëlëk ki wääde ma Carëdher 'näk ko opëëllö; ni ö geni ni reŋge yi ŋööm Ararat. Ni ö wääde ma Ëcaradön ni läw kar gø na nyeya.

Bwøth Wøk 12:12

« ‹Kiper a na Wuuö Jwøk aano cäädhi dï ŋööm Ijep dïwäänögø, ni nääa obwöc cwøw moa näk kaai moa en yi ŋööm Ijep bëët, ni beege kaai mo jiy ki kaai mo lääc paac bëët; ni ŋøla luumma bäät juuk Ijep bëët. Beeye aani na Wuuö Jwøk.

Aydheea 10:16

Kiper manøgønø, Kwäärö Wuuö Jwøk, eni na wïth jammi bëët, ojäägi ki täw mo leth dï jø leny moa no olør mo nyeny Aciria, ni ö ajiemmi mar nyeny Aciria ni nyebi ki maac mo liel døc.

Aydheea 17:14

Ka adïëri møn, noo tïme na wïthïënhö, jiy tïïcge tïïö nee lwäcge døc; 'ba kanyo tïme na kur øw, ge tøør këët. Manøgø otïmö na kur jiy moa twier øøni, ni beeye gïno tägi dëëtge, ge na twier japø.

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 31:8

'Ba jø Aciria di nääö ko opëëllö mo paa mar dhaanhø, ni ö opëëllö manøgø ni paa mar dhaanhø enø ni thöör geni. Geni ge ba bøth ki thøw opëëllö manøgø, ni ö cwøw moge moa näk wøpe ni tïmge na jø tïïc mo wø mak ki teek.

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 51:22

Man bee gïna caan Kwäärö Wuuö Jwøk, Jwøk maru, eni ni wø bëëdö ni pïëmö kiper jiye, ena köö, ni «Ka adïëri møn, aani, athöönh wëër mana cïba jïïu, na tïïc uuni nou bøømmø, akäla wøk ceŋŋu, nou ba cäŋ mäthö ki gø këët na bäre bäre.

Aydheea 7:20

'Ba dïcäŋeca Kwäärö Wuuö Jwøk wïthu oliele ki muuc mo käla løø Naam Upareeti løøga, ni liel jïëc tietu, ki jïëc tïgu thuwø; ni manøgø beeye nyeny Aciria.

Aydheea 8:8

Køøre pïï kwönna dï Juuda bäre ni muulö ki dïëre bäre na jwïëö, këël mano päŋe noo këët cwaak, këël mano ö were moe noo gaaŋge na løle ni put ŋööm Juuda bäre thaar, ni beeye ŋöömö marï, ï na Imanuwel.»

Daniel 11:10

«Køøre wääte dëëtge jiiŋge jiiŋŋø kiper leny, ni cooŋge wïth lwaa lenye mo thööth, ni ö dhaanhe acielli dïge ni baap geni kaamar jwïëö ni pöödhe ki leny këël mano pïïe kar gwøk røk mar ŋatøce.

Jool 2:19

ni ö Wuuö Jwøki ni løk mare ni kööe jï jiye, ni «Ka adïëri møn, aani, a cïpö jïïu ki beel, ki kwøŋ mo nyärö, ki maaw, mo rømø ki man jäŋŋu ki geni, ni ba tïïa u këët na gïr apääda dï wïth juurre.

Neeyam 1:15

Raŋŋu tiet dhaanhø ni ööi enø, ni cura bäät kïdi, na ŋat mo käla luubö mo nyään mo køpa luum bëët-mëër. Wui jø Juuda, bëëdu nou wøøra ajwöm mou, ni cïpu gïïa kööŋŋu ki ge jï Wuuö Jwøk. Kiper jø raay moøgø u ba cäŋge tugö këët. Geni wïthge di dïïrö na bäre bäre.

Mana Nyooth 7:16

Geni, ge ba 'näk käci këët, ni bäŋe riew rege këët. Ni ge ba 'näk cäŋŋi këët, wala kwaac cäŋ mo jootge.