Neemiya 9:7 - Wëël Jwøk

⁷ «Ïïni, bee ï na Wuuö Jwøk, Jwøa jier Abram, ni kälï eni wøk ki yi paana cwøl ni Ur, yi ŋööm jø Kaldia, ni cagï nyeŋŋe ni Eeberam.

Neemiya 9:7 Iomraidhean Croise

Wïlöölö 11:31

Køøre Teera wääde ma Abram ki nyïïkwaare ma Løøt wär Aaren ki cï nyaare ma Caray na näk cï wääde ma Abram alwøre, ni tïŋge na aciel bëët ki yi Ur po jø Kaldia, ni ge cøøa ŋööm Keenan. 'Ba na pïïcge paana cwøl na Aaren, gena put bëëte kaace.

Wïlöölö 15:7

Ni kö Wuuö Jwøki jï Abram, ni «Beeye aani na Wuuö Jwøk na käl ïïni wøk ki yi Ur po jø Kaldia, kiper nee ŋöömmi cïba jïrï nee tïme na moï.»

Wïlöölö 17:5

Nyeŋŋï ba cwøl na Abram këët; 'ba nyeŋŋï ocwøl ni Eeberam, kiper ï tïïa tïïö na kwar wïth juurre mo thööth,

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

1 Luup Nyeye 1:27

ni ö Teera ni näk wää Abram, ni beeye Abram mana cwøl ni Eeberam.

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Tiet Ciik 10:15

'Ba Wuuö Jwøk abëëdö ni yie met ki kwäyu, ni mëër ki geni døc, ni beeye tiere gø na jier uuni, u na nyïïkwaacge, yïthakic wïth juurre bëët, kaawat man bëëde dïcäŋi en.