Neemiya 9:6 - Wëël Jwøk

⁶ Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Neemiya 9:6 Iomraidhean Croise

Wïlöölö 1:1

Wïlöölö Jwøk maal ki piny acwääe.

Wïlöölö 1:9

Ni kö Jwøki, ni «Beerra man ö pïïyi moa en ko maalli piny ni cooŋge rege kanya ciel nee piny jïte ki kany mo otal.» Ni ö gïnögø ni thur kare.

Wïlöölö 2:1

Køøre nø, maal ki piny athum ki cwääc, këël gïïa thööth na en yïthge bëët.

Wïlöölö 32:2

'Ba na ö Jeekapi na joot geni, ena köö, ni «Moi beege lwaa Jwøk.» Køøre nyeŋ kaace acaae ni Maanayim.

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

1 Nyeye 8:27

«?Aŋø, Jwøk bëëdö bäät piny møn? Ka adïëri møn, ï na Jwøk, maal këël maal kuya kunece, ï ba røm yie. ?A øtø man ni yaa geerø en, ïïno rømï yie nidïï?

2 Nyeye 19:15

Ni ö Edhekaya ni läme jï Wuuö Jwøk, ni kööe, «Wui, Wuuö Jwøk, Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

2 Nyeye 19:19

'Ba ennø, wui, Wuuö Jwøk, Jwøk marwa, a kwaya ïïni, piem waani cer nyeny Aciria, nee ŋäc buc nyeye bëët mo bäät piny ni Jwøk bee ï keerï, ï na Wuuö Jwøk.»

Neemiya 9:5

Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Aydheea 37:16

«Wui, Wuuö Jwøk, ï na wïth jammi bëët, na näk Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 43:10

'Ba Wuuö Jwøk aköö, ni «Uuni, uuna jiya moa ŋäc tier gïnögø ni wø caan gø. Ni bee u na jiya moa näk yaa nø jier, ki man ŋäyu aani ni ŋääthu aani, ki man kwanynyu tiere ni bee aani na eni. Bäŋ Jwøk mør mo onut dïkwøŋ, ni bäŋ gø këët mo öö køøra.

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 45:12

Bee aani na tïïc piny ni cwääa dhaanhø bääte. Maal apeera ki ceŋŋa, ni cïïmma gïïa en yie bëët.

Jeremaya 32:17

«Wui, Kwäärö Wuuö Jwøk, beeye ï na cwääc maal ki piny ki køør teek badï na dwøŋ! Bäŋ gïn dhäthi jïrï!

Edhikiel 20:11

Ni pwönynya geni ki luup 'moa, ni tïïa geni nee ciik 'moa ŋäcge, ni beege gïïa doo cïpö ki kwøw jï ŋato kïth ge bäät tïïc.

Joona 1:9

Ni løk gø jïge, ni «Aana nyï Ibaru, naa bëëdö naa lwäära Wuuö Jwøk, Jwø maal, eni na cwääc naama dwøŋ ki ŋøøm.»

Jøøn 10:30

Aani ki Wuuö, waana acielø.»

Moa Tïïc Nyïïatwieli 4:24

'Ba na wïnyge gø, döötge atïŋge maal karge bëët jï Jwøk, ni köge, ni «Wuuö Jwøk na näk Kwäärö, ï na cwääc maal ki piny ki näm ki jammi bëët moa en yïthge,

Tiet Ciik 10:14

«Neennu, Wuuö Jwøk na näk Jwøu, maal ki kare bäre, ki piny bäre ki gïïa en yie bëët, moe.

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

Tiet Ciik 6:4

«Wui, u na jø Icriel, wïnynyu gïn. Wuuö Jwøk na näk Jwøø beeye eni keere na Jwøk;

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 1:6

'Ba kanya käl wääde na näk kaa piny, ena köö, ni «Beerra man ö nyïïatwiet maalli mo Jwøk bëët ni wøørge eni.»

Mana Nyooth 14:7

Ni cäänne ki dwøl mo päl, ni «Lwäärru Jwøk ni jiemmu gø, kiper kany ŋøl luup yie apïï. Wøørru eni, eni na cwääc maal ki piny ki näpa døøŋŋø, ki kwöra tuul pïïyi ki yïthge.»

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»