Neemiya 9:5 - Wëël Jwøk

⁵ Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Neemiya 9:5 Iomraidhean Croise

1 Nyeye 8:14

'Ba kanya bëëde ni lwaa Icriel bäre cuŋŋö kaagø, nyeya ma Cølöman nyïme aløø baŋge ni gwïëth geni bëët.

1 Nyeye 8:15

Ni kööe, ni «Pwøc en jï Wuuö Jwøk, Jwø Icriel, na cäänö ki dhee jï wära ma Deebit, ni put gïna caane wëëk thur kare, ni kööe,

1 Nyeye 8:22

Kanyøgø, Cølöman acuŋŋö nyïm gïn wø cïp olämme bääte mar Wuuö Jwøk, ni thaaŋ ceŋŋe maal, ni lwaa Icriel bäre nut.

1 Nyeye 8:27

«?Aŋø, Jwøk bëëdö bäät piny møn? Ka adïëri møn, ï na Jwøk, maal këël maal kuya kunece, ï ba røm yie. ?A øtø man ni yaa geerø en, ïïno rømï yie nidïï?

1 Luup Nyeye 16:36

Pwøc en jï Wuuö Jwøk, Jwø Icriel, ki mana täge cøøn, këël bäre bäre.» Køøre jiy bëët aköö, ni «Beeye kare!» ni pwøcge Wuuö Jwøk.

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

1 Luup Nyeye 29:13

'Ba ennø, ï na Jwøwa, wa dwøga met ec jïrï, ni wa pwøya nyeŋŋï na näk nyeŋ ajiem.

1 Luup Nyeye 29:20

Køøre Deebit aköö jï jø acooŋa bëët, ni «Ennø, pwøyu Wuuö Jwøk, eni na Jwøk maru.» Kanyøgø jø acooŋa bëët Wuuö Jwøk, Jwø kwäcge, aputge pwøc, ni këëlge cøŋge piny ni wøørge Wuuö Jwøk ki nyeya.

2 Luup Nyeye 20:13

'Ba jø Juuda bëët ge cuŋŋö nyïm Wuuö Jwøk, ge ko obwöre moge moa therø, ki määrge, ko obwöre moge moa reegø.

2 Luup Nyeye 20:19

Ni ö jø tuuŋ Libay moa käl dëër Kät ki moa käl dëër Köra ni öge maal ni pwøcge Wuuö Jwøk, Jwø Icriel, ni döötge ena maal døc.

Edhera 3:11

Ni wärge ki dudi, ni ge pwøya Wuuö Jwøk, ni ge dwøga met ec jïre, ni köge, ni «Wuuö Jwøk beer, ni mëër mare ni wø ba jøøl bëëdö bäät jø Icriel na bäre bäre.» Ni ö jiyi bëët ni kwöŋge ni döötge ena maal døc kanya pwøcge Wuuö Jwøk kiper mana ö tier Øt Wuuö Jwøk na thume ki caam ki kïte.

Neemiya 9:4

'Ba jø tuuŋ Libay moa näk cuŋŋö bäät thudhi beeye Jëcua, ki Bani, ki Kadmiël, ki Cebaniya, ki Buni, ki Cërëbiya, ki Bani, ki Kenani, ni geni, ge cøøra Wuuö Jwøk, Jwøk marge, ni döötge ena maal døc.

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Jööp 1:21

ni kööe, «Aana ö wøk ki yi mera ni bäŋ gïrpiny jïra; aano døøk ni bäŋ gïrpiny jïra. Gena cïp Wuuö Jwøki jïra ni cäŋ ge lwørrø; kiper manøgønø, pwøc en ri nyeŋ Wuuö Jwøk.»

Dut Pwøc 134:1

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Bwøth Wøk 15:6

Wui Wuuö Jwøk, cer cwïïï teek døc; wui Wuuö Jwøk, cer cwïïï, nyïïmän wø raanynye raanynyø.

Daniel 2:20

ni kööe, ni «Pwøc en ri nyeŋ Jwøk na bäre bäre, kiper leec wïc ki teek beege moe.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Tiet Ciik 28:58

«'Ba ni näk røgu ba gwøgu møn ki man kïthu ciik moi bëët bäät tïïc no ogöörö yi wëëlö man en, nou ba lwäär ki nyeŋ Wuuö Jwøk na näk Jwøu, ni beeye nyeŋ ajiem mo di wøørø,

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

Pïëmme 13:18

'Ba Wuuö Jwøk na nyooth ree kaamar nyïïatwiel maal aköö jïgø, na «?Aŋø ni pëënynyï nyeŋŋa en? Kiper tiere ba maar joot.»