Biblia Todo Logo
Bìoball air-loidhne

- Sanasan -




Neemiya 9:32 - Wëël Jwøk

32 «'Ba ennø, ï na Jwøk marwa en, ï na Jwøa dwøŋ na teek, ni wø kwany dëëlli nyïme, ni wø gwøk luum mëër mana näk ba jøøl na tuude, gïï ni wø tägi ni leth ii, kär nëënö jïrï kaamar nyi gïn mo thiinh jaak, ni beege gïïa tägö dëëtwa, ki dëët nyeye mowa, ki dïbwöthe mowa, ki dïlämme mowa, ki nyïïkuk Jwøk mowa, ki kwäcwa, ki jiyï bëët, ni beeye ki mana täge ki ri nïr nyeye mo jø Aciria këël dïcäŋi en.

Faic an caibideil Dèan lethbhreac




Neemiya 9:32
42 Iomraidhean Croise  

Ni kööe, «Wui Wuuö Jwøk, Jwø Icriel, bäŋ Jwøk mo caala ïïni maalø wala bäät piny, mo luumma tuude ki jiy ee gwøø, ni nyooth mëër mare ni wø ba jøøl jï jiye mo wø tïïö ka adïëri nyïme ki cwïnyge bäre.


'Ba Puul nyeny Aciria aöö nee këëde ki jø Icriel, ni ö Menaëmmi ni cïpe jï Puul ki gwet-bïrö mo peek mare beeye rumme ma kuma aciel mo røm ka rumi mana cwøl ni kikar kiper nee eni køny Puulli nee tier nyec mare këët piny ni teek.


'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.


këël mana ö Wuuö Jwøki na riem ge wøk buute, kaawat mana caan gø ki dhøk jiye bëët ma nyïïkuk Jwøk. Kanyøgønø, jø Icriel aput käl ki yi ŋöömö marge ni kïth ge ya Aciria, ni putge bëëtö kaace këël dïcäŋi en.


'Ba Calmanëcër nyeny Aciria aöö ni këëde ka Awcë, ni ö Awcë ni put tïmö ni ena tiere ni cïpö ka ajwäk jïgø.


'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.


'Ba ki yïth nïne moa beet Jöcaya, Peerø ma Nekø nyeny Ijep aci baŋ nyeny Aciria nee këëde ki gø bäät Naam Upareeti. 'Ba nyeya ma Jöcaya aci baŋ nyeny Ijep nee këëde ki gø; 'ba kanya ö eni na jooti ya Peerø ma Nekø, ena put Peerø ma Nekø 'näk Megidø.


Ni ŋarge wäät Cëdëkiya ni nëënö jï Cëdëkiya; ni tuunyge nyeŋ Cëdëkiya, ni twöcge gø ko oguudi ma jwëëlli, ni kïthge gø Babiløn.


ki wïth juurre møga bëët moa käl Acnaperri, nyenynya teek na no owøørø, wïth juuya käle ki mïëcge ni kïth ge yïth päänye mo Cameria, ki yi paac bäre mana cwøl ni Løø Naam Upareeti Løøga.»


gena ö baŋ Dherubabel ki dïbwöthe mo wïth tuŋi ni köge, ni «Beerra man gëëdø ki uuni na aciel, kiper waani, wa manynya Jwøk maru ni wa caala uuni; ni wa bëëdö ni wa cïpö ko olämme jïre ki mana täge ki ri nïne moa beet Ëcaradön nyeny jø Aciria na käl waani kany.»


«'Ba gïïa ö bäätwa bëët ö bäätwa kaper gïïa reyø na temwa, ki raay mowa na døøŋŋø. 'Ba ï na Jwøk marwa, gïïa leth na jäälï wa ki ge ba rømi ki gïïa reyø na temwa; 'ba waana gwøgï, ni weyï waani na mo dööŋ ni kwøw kaawat man bëëde en.


Ni kööa, ni «Wui Wuuö Jwøk, Jwø maal, a kwaya ïïni, ï na Jwøa dwøŋ ni wø kwany dëëlli ki eni, ï ni wø gwøk luumma tuutï ki jø wø mëër ki ïïni, ï ni wø nyooth mëër man wø ba jøøl jïge, ge ni wø gwøk ciik moï.


Ni ö Modhe ni caan gïïa tägö bëët jï wää cïïe, ni beege gïïa tïïc Wuuö Jwøki dëër Peerø ki jø Ijep kiper jø Icriel, këël gïïa leth bëët na pïï bäät jø Icriel ri wääth, ki mana ö Wuuö Jwøki thuwø na køny geni.


Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.


Aana lämö jï Wuuö Jwøk, Jwøk mara, ni køba raay jïre ni kööa, ni «Wui Kwäärö Wuuö Jwøk, ï na Jwøa dwøŋ ni wø lwäärö ki eni, ï ni wø gwøk luumma tuutï, ki mëër man wø ba jøøl, ni tuutï ka jø wø mëër ki ïïni, ni wø gwøk ciik moï,


Maya thuwø, dööt jiyï ma nyïïkuk Jwøk kärwa wïnynyö, jø wø køp luup ki nyeŋŋï jï nyeye mowa, ki jï kwääri mowa, ki jï wëëkwa, ki jï jiy bëët moa en yi ŋöömö.


Wui Kwäärö Wuuö Jwøk, waani marwa beeye lään wïc møn, wa ki nyeye mowa, ki kwääri mowa, ki wëëkwa, kiper waana bääyö dëërï.


« ‹'Ba køør gïïögø, ni näk mou poot bëëdö ni dwøra ba wïnynyu, aani u jääla jäälö kwöre abïriiø kiper raay mou.


« ‹'Ba ni näk mou poot gëëmö ki aani ni dwøra poot ba wïnynyu, a känna bäätu ki gïï mo leth kwöre abïriiø ki køør raay mou.


aani ki dëëra kiree, a gëëmmö ki uuni, ni tïïa ki gïï mo leth dëëtu kwöre abïriiø kiper raay mou.


aani ki dëëra kiree, ageem mara ki uuni puta ka tïïc na wëër dëëtu, ni jääla uuni kwöre abïriiø kiper raay mou.


«'Ba gïno tägi, ni näk ciik moi leŋu leŋø, ni gwøgu geni ni kïthu geni bäät tïïc, Wuuö Jwøk na näk Jwøu luumma tuude na kööŋe ki gø jï kwäyu, ki mëëye ni wø ba jøøl, gwøe gwøø kiperu.


Ni bëëde ni mëër ki uuni ni gwïëth uuni ni wëëk uuni nyaay; obwöre mou moo nywøllu ogwïëdhe, ni gwïëth caammi moo ciek yïth ŋøøm mou, ni gwïëth dhäk mou ki dïëk mou, ni tïmge ni thööth yi ŋöömma kööŋe kipere jï kwäyu nee cïbe jïïu.


Kär dëëtu kwanynyi ni maru lwäär ki geni, kiper Wuuö Jwøk na näk Jwøu nutö buutu, ni beeye Jwøk mo dwøŋ mo di lwäärö.


Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.


Lean sinn:

Sanasan


Sanasan