Neemiya 9:30 - Wëël Jwøk

³⁰ Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Neemiya 9:30 Iomraidhean Croise

2 Nyeye 18:11

Køøre nyeny Aciria jø Icriel amaae ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

2 Nyeye 21:10

Ni ö Wuuö Jwøki ni cääne ki dhøk jiye ma nyïïkuk Jwøk ni kööe,

2 Luup Nyeye 24:19

Køøre Wuuö Jwøk nyïïkuk moe ajääŋŋe baŋ jiy nee ge duuge baŋe, eni na Wuuö Jwøk. 'Ba këël na bëët nyïïkuk Jwøki ni cäänna geni kiper gïïa reyø na tïïcge, ïthge kärge ciiø.

Edhera 9:10

«?'Ba ennø, ï na Jwøk marwa en, agïnaŋø noo caanwa køør gïn? Kiper waani ciik moï awecwa,

Neemiya 9:20

Ni ö jwïëy moï na beyø ni bëëde bäätge ni pwönynya geni, ni ö møø marï mana cwøl ni meena ni kärï gø paanyø dhøkge, ni mooyï geni ki pïï kiper riew marge.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Neemiya 9:29

«Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Aydheea 28:10

Kiper pwöc moe köö, ‹Tïïyu gïn, ni tïïyu gïn, gwøgu ciik man ki ciik man, nyi luubö mo thiinh en, maya ice.› »

Aydheea 42:24

?Aŋa na tïïc Jeekap nee mak ki tøŋ? ?Aŋa na tïïc eni na Icriel nee twier? ?Aŋø, patha Wuuö Jwøk na bääyø dëëre, na kweerø ki man cäädhø ki uutjïëthe moe, na kweerø ki man jïëø ciik moe?

Aydheea 48:9

'Ba kiper nyeŋŋa nø, wëër mara jooa jooø, ni cïba cwïnya piny kiper ajiem mara, nou ba ŋula wøk.

Aydheea 63:10

'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Jeremaya 25:4

«Ni ö Wuuö Jwøki ni bëëde ni jääŋŋa jiy moe ma nyïïkuk Jwøk baŋu cooth, 'ba dwøre käru wïnynyö ni ïthu käru ciiø.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 44:5

'Ba geni, mara kärge wïnynyö, ni yïthge kärge ciiø ki mara, ki man luuge rege ni wecge gïïa reyø na tïïcge, ni beeye ki man ba cïpge ko olämme jï juu møøk.

Jeremaya 7:25

'Ba ki mana täge ki kanya ö kwäyu wøk ki Ijep këël mana këët dïcäŋi en, aana bëëdö ni jiya ma nyïïkuk Jwøk 'moa bëët, jääŋŋa jääŋŋö baŋu cooth.

Wëël Kïmmö 2:17

'Ba Wuuö Jwøk gïna manynye atïïe, ni wëëk luumme thur kare, na näk ee nø ŋøl yïth nïra cääŋŋe. Eni uuna raanynye ni cwïnye käre warø, ni tïïc nyimän nee kanynye bäätu. Eni teek mar nyimän ameede.

Daniel 9:6

Maya thuwø, dööt jiyï ma nyïïkuk Jwøk kärwa wïnynyö, jø wø køp luup ki nyeŋŋï jï nyeye mowa, ki jï kwääri mowa, ki jï wëëkwa, ki jï jiy bëët moa en yi ŋöömö.

Dhekaraya 7:12

Geni, cwïnyge atïïcge ni teek kaamar kïdi, ni tïmge ni ciik ba wïnyge, ki luup Wuuö Jwøk, eni na wïth jammi bëët, ni beege luupe na jääŋŋe ki køør Jwïëye na en kur keere ki røk nyïïkuk Jwøk mo acääŋŋe. Kiper manøgønø, wëër mo dwøŋ aput öö ki baŋ Wuuö Jwøk, eni na wïth jammi bëët.

Dhekaraya 7:13

«Køøre Wuuö Jwøk, eni na wïth jammi bëët, aköö, ni ‹Kar kaagø, aput tïmö ni kany wø cwøla geni dwøra ba wïnyge; ni kany wø cwølge aani döötge ba wïnynya thuwø.

Kwään Jiy 11:26

'Ba kar kaace, da jiy ariiø mo odööŋ twïër; na aciel nyeŋŋe Eldat, ni maya nyeŋŋe Mödat. 'Ba ge ena dëët jøøa näk nyeŋge ogöörö, ni ge kär ci buut oduŋkaara. Ni ö Jwïëc Jwøki ni pïïe bäätge, ni putge dwør Jwøk køp dï twïër.

Moa Tïïc Nyïïatwieli 13:18

Ni käär geni ki dï paap ki cwiiri ma pïëraŋween.

Moa Tïïc Nyïïatwieli 28:25

Køøre na jït dïge ki pïëm gena aay, køør luumma näk aciel na caan Pøølli, na kööe, ni «Jwïëc Jwøk na en kur keere mare adïëri na caan gø jï kwäyu ki dhi nyikuŋ Jwøk ma Aydheea, na kööe,

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

1 Piter 1:11

Ni pëëge na a teeŋ dhaanhø mo nyïëdi, wala a cäŋa ŋø na cään Jwïëc Krictø na en cwïnyge kiper gø, kanya køpge gïïa leth moo jwør Krictø, ka ajiem mano joode cään.

2 Piter 1:21

Kiper bäŋ gïn mo okøp nyïïkuk Jwøki bäre bäre, mo käla dhi dhaanhø, 'ba ge wø køpa moa käl dhi Jwøk, kanya ö Jwïëc Jwøki na käär geni.

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.