Neemiya 9:29 - Wëël Jwøk

²⁹ «Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Neemiya 9:29 Iomraidhean Croise

2 Nyeye 17:13

'Ba jø Icriel ki jø Juuda ge wø kööm Wuuö Jwøki köömmö ki dhøk nyïïkuk Jwøk bëët ki dhøk jø wø joot jammi ki køør man wø nyooth Jwøki jïge, ni kööe, ni «Weyu uutjïëth raay mou ni gwøgu gïïa cema ki ciik 'moa na en ri pwöc 'moa bëët moa köömma kwäyu ki gø, ni beege na jääŋŋa baŋu ki dhøk jiya ma nyïïkuk Jwøk.»

2 Nyeye 17:14

'Ba jø Icriel ki jø Juuda luummögø kärge wïnynyö, ni bëëtge ni wïthge teek kaamar kwäcge, na kär Wuuö Jwøk, Jwøk marge, ŋäädhö.

2 Luup Nyeye 24:19

Køøre Wuuö Jwøk nyïïkuk moe ajääŋŋe baŋ jiy nee ge duuge baŋe, eni na Wuuö Jwøk. 'Ba këël na bëët nyïïkuk Jwøki ni cäänna geni kiper gïïa reyø na tïïcge, ïthge kärge ciiø.

2 Luup Nyeye 33:10

'Ba Wuuö Jwøk Maneeca ki jiye acäänne, 'ba ïthge kärge ciiø ki luum gø.

2 Luup Nyeye 36:15

'Ba Wuuö Jwøk, Jwø kwäcge, dwøl mare jääŋŋe jääŋŋö baŋge cooth ki dhøk nyïïkuk moe, kiper pänh cwïny mare kiper jiye ki kar bëëtö mare.

Neemiya 13:15

'Ba yïth nïröka, aana jïtö ki jiy dï Juuda mo cöödhö ki nyïïomøki ki tietge ki cäŋ jwömö, ni marge biic gø na køøŋø; ni jø møøk ge kännö ki beel mo ena yïth keece mo käärge ka bäät arëëni, ki jammi møga ni beege kwøŋ, ki nyïïomøki, ki nyïïolämmi, ki teeŋ wïth tëër møga bëët, ni kälge geni Jerucalem ki cäŋ jwömö. 'Ba aani, jøøgø aköömma ki man ba gäthge ki caammi ki dïcäŋ manøgø.

Neemiya 9:10

Ïïna tïïö ki nyuuthe ki gïï mo rëëma ec dëër Peerø ki dëët jiye moa kwörge døøŋŋø bëët, ki dëët jiy bëët moa en yi ŋöömö mare, kiper ïïni, gïna tïïcge ni bëëtge ni ge töödö bäät jiyï ki gø ŋäyï. Ïïni, nyeŋŋï atïïyï nee wïnye kaawat man bëëde dïcäŋi en.

Neemiya 9:16

«'Ba geni na kwäcwa gena tïmö ni marge atöör, ni døøcge wïthge mo teek, ni kärge ciik moï wïnynyö.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Neemiya 9:30

Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Bwøth Wøk 10:3

Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge.

Jeremaya 17:23

'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 42:19

«Wui, u na jø Juuda moa dööŋ, Wuuö Jwøk acäänö ki uuni ni kööe, ni ‹Käru ci Ijep.› Beerra man ŋäyu gø ni dïcäŋi gïn caana naa köömma uuni.

Jeremaya 43:2

Adhiriya wär Ocaya ki Jöanan o Karëa ki jøw okiera bëët aköö jï Jeremaya, ni «Ïïni, ï caana tööt jaak! Wuuö Jwøk, Jwøk marø, ï käre jääŋŋö baŋwa niï kööï ki waani, ni ‹Käru ci Ijep baŋ bëëtö kaace.›

Jeremaya 44:10

'Ba cwïnyge kär maar pädhö kiper gïna tïïcge, këël dïcäŋi en, ni ge kär lwäyö, ni ge kär cäädhö køør ciik 'moa ki gïïa cema na cïba jïïu ki jï kwäyu.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Edhikiel 20:11

Ni pwönynya geni ki luup 'moa, ni tïïa geni nee ciik 'moa ŋäcge, ni beege gïïa doo cïpö ki kwøw jï ŋato kïth ge bäät tïïc.

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Odheea 6:5

Kiper manøgønø, uuna nø ŋøra na thäŋi ki køør ajäla mana caana ki dhøk nyïïkuk Jwøk, ni nø nääa uuni ki luubö mana cur dhaa; ni ö ajäla mara ni put nidaaŋ bäätu kaamar agaackøth.

Ciik Kiper Dïlämme 18:5

Uuni ciik 'moa ki luup ŋøl 'moa wär gwøgu, ni beeye gïïo bëët dhaanhe ni kwøw ki køørge ni näk mo ee kïth bäät tïïc. Beeye aani na Wuuö Jwøk.

Mathiew 19:17

Ni dwøgi ya Jecu jïgø, na «?Aŋø, ï pëënynya aani kiper gïn mo beer? Beeye Jwøk keere ni beer. 'Ba ni näk miï manynya man ciï yi kwøw, gwøk gïïa cem Jwøki.»

Luk 10:28

Ni kö Jecu jïgø, na «Aduuï na kare. Put bëëtö niï tïïya gø, niï kwøwï.»

Wëëlö Mana Göör Pøølli Baŋ Jø Röm 10:5

'Ba Modhe agöödö, ni kööe, ni «Ŋato caath jöör bëënynyö man wø göök ri ciik Jwøk, okwøw ki køør gø.»

Galeecia 3:12

'Ba ciik Jwøk ba en ri ŋäädhe. Kiper «Ŋat wø tïïc ge, okwøw ki køørge.»

Tiet Ciik 31:21

'Ba kanyo tïme ni gïï mo leth ki gïï mo reyø pïï bäätge, duut man otïmö na gïn mo nyootha bääyö marge jïge; ni bëëde na duut mo nut dhøk nyïïkwaacge ni ge wära gø cooth, ni wïthge ba wïl ki gø. Kiper acaara mano caarge ki cwïnyge dïcäŋi enø, ŋääa cøøn këël na bëëde ni ge poot kära kïth yi ŋöömma kööŋa kipere jï kwäcge.»

Tiet Ciik 31:27

Kiper aani ageem maru ki teek cwïny maru ŋääa. Neennu, uuna nø gëëmö ki Wuuö Jwøk naa poot nut naa kwøw. ?A no thøøa nø, naa tøør dïïu, a teeŋ ageem mo nyïëdi noo tïïyu?

Tiet Ciik 4:26

Dïcäŋi en maal ki piny otïmö ni beege gïïo ŋäc luummi en yïthakiyø ki uuni kiper gïno raac noo pïï dëëtu. Ni näk gïna caan Wuuö Jwøki ba leŋŋu, u laara thumö kany mo cään en wï ŋöömö mano cou yie nee lwørru na maru løø Naam Jördan løøga. U ba bëëdö ki kany mo bäär yi ŋöömö manøgø këët, 'ba u put ka thöör na bäre bäre.

Pïëmme 6:10

ni caana gø jïïu, ki man näk mo beeye aani na Wuuö Jwøk na näk Jwøu; ni caana gø jïïu thuwø ki man ba wøørru juu mo jø Amör ni bëëdu yi ŋöömö marge en. 'Ba uuni dwøra käru leŋø.› »