Neemiya 9:27 - Wëël Jwøk

²⁷ Kiper manøgønø, gena cïbï ceŋ nyïïmän moge, jøøa caar geni; 'ba kanya jwöŋge dëërï ni ge ena yïth gïï mo leth, marge awïnynyï niï ena maal. Køøre ïïni, ki køør mëër marï na päl, ïïna cïpö jïge ki jiy mo käla geni wøk ceŋ nyïïmän moge.

Neemiya 9:27 Iomraidhean Croise

2 Nyeye 13:5

Kanyøgø Wuuö Jwøk jø Icriel amooe ki ŋat mo piem geni; ni ö geni ni öge wøk ceŋ jø Aram, ni bëëtge yïth mïëri moge kaawat mana dïkwøŋ.

2 Nyeye 14:27

'Ba kiper mana näk mo Wuuö Jwøk ba many gø nee wïth jø Icriel dïïre bäät piny, gena kønye ki ri Jeröbäm o Jeyöac.

2 Nyeye 17:20

Køøre, Wuuö Jwøk akweer ki nyïïkwaac Icriel bëët ni caan geni, ni cïp ge ceŋ dïtwïëte, këël mana riem ge wøk buute.

2 Nyeye 17:39

'Ba a na Wuuö Jwøk na näk Jwøu, beeye aani noo wøørru; ni beeye aani noo piem uuni ceŋ nyïïmän mou bëët.»

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

Neemiya 9:19

«Ïïni, ki køør mëër marï na päl, ge kärï wii dï paap; 'ba pöölö mo ree ee wenyø poot bëëdö ni bwøtha geni ki øtjöö marge ki dïcäŋ; ni pöölö mo ree ee wenyø mo liel kaamar maac poot bwøtha geni ki wäär, ni meenya jöörge kany cørge yie.

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Obadiya 1:21

'Ba jøøa piem jiy geno ci maal bäät Kïn Dhayan, nee po jø tuuŋ Icøø na en bäät kïte nee käärge. Ni ö buc nyeci ni tïme na mar Wuuö Jwøk.

Pïëmme 2:18

'Ba kany wø tïme ni Wuuö Jwøk pïëmi man nø di thïïŋö jïge, eni puta bëëtö ni nut buut pïëmi mano thïïŋe, ni køny jø Icriel ceŋ nyïïmän moge yïth nïr kwøw mo wø beet pïëmi manøgø; kiper Wuuö Jwøk cwïnye opädhö ki cooyø marge ki køør gïna tïïc jøøa dïïm geni na caar geni.