Neemiya 9:26 - Wëël Jwøk

²⁶ «'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Neemiya 9:26 Iomraidhean Croise

1 Nyeye 14:9

Ïïni thuwø, ïïna tïmö niï tïïya raay mo thööth ni kaala moa tïïc jiy moa dïkwøŋ na bwøth maal nyïmï, ni ciï ni tïï ki juu møøk kiper dëërï, ni tïï ki kït gïï mo oleenyø na gïï lam, niï tïïya aani naa goota, ni kwierï aani.

1 Nyeye 18:13

?Aŋø, gïna tïïa kär caanø jïrï? Kanya ö Jedhebelli na 'näk nyïïkuk Jwøk mo Wuuö Jwøk, aani nyïïkuk Jwøk mo Wuuö Jwøk ma dïpa akana yïth uut kïte na pïërabïïc pïërabïïc, ni bëëda ni ge møya møyø ki cam ki pïï.

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

1 Nyeye 19:10

Ni kö Ilaaja, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

2 Nyeye 21:10

Ni ö Wuuö Jwøki ni cääne ki dhøk jiye ma nyïïkuk Jwøk ni kööe,

2 Nyeye 21:11

ni «Kiper mana ö Maneeca nyeny Juuda na nø tïïe ki gïï mo ec raac ki ge døc, ni tïïe ki gïï mo reyø mo kaala moa tïïc jø Amör na kwøŋ bwödhö maal nyïme, ni nø wëëk jø Juuda tïïc ki raay, ni ge lama juu moe moa no otieŋø,

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Neemiya 9:18

Këël kanya lëënyge rege ki warkey, ni tïïcge gø na nyirøøa man lamge, ni köge, ni ‹Man beeye Jwøk maru na käl u wøk ki Ijep,› ni marge beeye ajaany mo dwøŋ kiree,

Neemiya 9:29

«Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Neemiya 9:30

Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Jeremaya 16:11

køøre oløgï jïge ni Wuuö Jwøk aköö, ni ‹Beeye kiper mana ö kwäyu na wecge aani, ni caathge køør juu møøk, ni tïnyge geni ni wøørge geni; ni wecge aani møn, ni kärge ciik 'moa gwøø.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 42:19

«Wui, u na jø Juuda moa dööŋ, Wuuö Jwøk acäänö ki uuni ni kööe, ni ‹Käru ci Ijep.› Beerra man ŋäyu gø ni dïcäŋi gïn caana naa köömma uuni.

Wëël Kïmmö 3:42

ni «Waana tïïö ki raay ni gëëmwa, 'ba wa kärï wëënnö.

Edhikiel 20:21

« ‹'Ba obwöre moge gena gëëmö ki aani thuwø. Ge kär cäädhö ki køør luup 'moa, ni kärge wïthge caarø ki man kïthge ciik 'moa bäät tïïc, ni beege gïïa doo cïpö ki kwøw jï ŋato kïth ge bäät tïïc; ni ö geni ni putge cääŋŋe 'moa mo jwöm päät. Kanyøgø aana köö ni wëër mara ni wø liel kaamar maac kønynya bäätge nee wëër mara put røm dëëtge dï paap.

Mathiew 21:35

'Ba jø puur moøgø laaŋe moe amakge, ni pwötge aciel ni 'näkge maya, ni këërge maya ki kïte.

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Tiet Ciik 32:14

Ni caam ge ki mäth dhäk, ki caa dïëk, ki rïŋ nyïïdïëk mo olør; ki rööm ma thwönhi mo beyø mo käla Baacan, ka atëëe ma thwönhi, ki beel mo beyø døc; ni mäthge ki kwøk nyïïomøki mo met.

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Pïëmme 10:6

'Ba jø Icriel acäŋ tïïö ki gïï mo nëëni ni reyø ki jï Wuuö Jwøk, ni tïnyge juuga cøøri ni Baal ka Actaröth, ki juu mo jø Aram, ki juu mo jø Caydan, ki juu mo jø Möap, ki juu mo jø Amön, ki juu mo jø Pilitin; ni putge Wuuö Jwøk wec ni ba tïnyge.