Neemiya 9:21 - Wëël Jwøk

²¹ Ïïni, gena gwøgï dï paap ki cwiiri ma pïëraŋween, ni bäŋ gïn mo geno can ki gø; geni abïïe moa en dëëtge kär ränynyö, ni tietge kär kwöt ki wääth.

Neemiya 9:21 Iomraidhean Croise

Bwøth Wøk 16:35

'Ba jø Icriel abëëdö ni cama meena ki cwiiri ma pïëraŋween këël mana pïïcge yi ŋöömma bëët jiyi yie. Ni putge bëëtö ni ge cama gø këël mana pïïcge keew mar ŋööm jø Keenan.

Amøc 5:25

«?Aŋø, uuni na jø Icriel, olämme ki muuce moa cïïmmu ki cwiiri ma pïëraŋween dï paap, cïpu jïra?

Moa Tïïc Nyïïatwieli 13:18

Ni käär geni ki dï paap ki cwiiri ma pïëraŋween.

Tiet Ciik 2:7

Kiper Wuuö Jwøk na näk Jwøu uuna gwïëdhe ki yïth tïïe mou bëët moa tïïyu. Thääyö mana thääyu ki gø dï paabi ni dwøŋ en ŋääe. 'Ba ki yïth cwiiri moi na pïëraŋween ii, Wuuö Jwøk na näk Jwøu bëëdö ka uuni, ni uuni ki dëëtu bäŋ gïn mo you canø.

Tiet Ciik 29:5

Uuna bwødha ki cwiiri ma pïëraŋween dï paap, na abïïe mou kär ränynyö dëëtu, ni war mou kär ränynyö tietu.

Tiet Ciik 8:2

'Ba wïthu wär caarru ki jöö mana ö Wuuö Jwøki na näk Jwøu na käär uuni ki gø dï paap ki yïth cwiiri moi na pïëraŋween ii. Wuuö Jwøk gïï mo leth akäl bäätu, kiper nou pwönynye, kiper nou päänynye, nee gïna en cwïnynyu nee ŋääe, ki man näk mo ciik moe gwøgu gwøø wala ba gwøgu.

Tiet Ciik 8:4

'Ba ki yïth cwiiri moi na pïëraŋween ii, abïïe moa en dëëtu kär ränynyö, ni tietu kär kwöt ki wääth.