Neemiya 9:20 - Wëël Jwøk

²⁰ Ni ö jwïëy moï na beyø ni bëëde bäätge ni pwönynya geni, ni ö møø marï mana cwøl ni meena ni kärï gø paanyø dhøkge, ni mooyï geni ki pïï kiper riew marge.

Neemiya 9:20 Iomraidhean Croise

Neemiya 9:30

Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Bwøth Wøk 16:15

'Ba kanya ö jø Icrielli na jootge gø, kiper na kucge tier gïnögø, gena cäänö yïthakicge keerge ni köge, ni «?Man agïnaŋø?» Køøre Modhe aköö jïge, ni «Gïnögø beeye møø mana cïp Wuuö Jwøki jïïu kiper nee cammu.

Bwøth Wøk 16:35

'Ba jø Icriel abëëdö ni cama meena ki cwiiri ma pïëraŋween këël mana pïïcge yi ŋöömma bëët jiyi yie. Ni putge bëëtö ni ge cama gø këël mana pïïcge keew mar ŋööm jø Keenan.

Bwøth Wøk 16:4

Kanyøgø Wuuö Jwøk aköö jï Modhe, ni «Ennø, muunni wëëga pänhnhö ki maal kaamar køth kiperu. Køøre jiy ocii ni cooŋge muunni moøgø kanya ciel mo orømø kiper dïcäŋ man nø cooth. Gïnögø tïïa tïïö naa päänynya geni ki man näk mo ge cäädhi ka køør ciik 'moa wala jïge bäyö.

Bwøth Wøk 17:3

'Ba jiy anäk riewi kaace ni ge manynya pïï; ni ŋurge ki nyeŋ Modhe ni köge, na «?Aŋø na kälï wa wøk ki Ijep, ni 'nägï wa ki riew ko obwöre mowa ki lääc paac mowa en?»

Bwøth Wøk 17:6

'Ba aani, aano cuŋŋi nyïmï bäät kïdi kaace buut Kïn Körëp; ni gøøyï kïdi manøgø, ni ö pïïyi ni kwönge wøk ki yie, nee jiy mäthge ki pïï.» Ni ö Modhe ni tïïc gïnögø ni nëënö jï jø døøk Icriel.

Aydheea 48:21

Geni, ge kär näk riewi kanya bwøth geni ki dï paap. Eni pïï atïïe nee kwönge wøk ki ri kïdi kiper nee maathge. Eni, kïdi akaae, ni put pïïyï ö wøk ni kwödö.

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Agëë 2:5

'Ba ena cäŋ köö, ni ‹Manøgø beeye luumma tuuda ki uuni kanya ööu wøk ki Ijep. 'Ba jwïëy 'moa poot bëëdö ki uuni. Käru lwäyö.›

Kwään Jiy 11:17

Køøre aano ö piny ni cääna ki ïïni kaace, ni lwöta ri Jwïëc Jwøk na en bäätï ni kïtha gø bäätge; ni ö geni ni käärge jiy na aciel ki ïïni, ni ba käära ïïni keerï këët.

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Wëëlö Mana Göör Pøølli Baŋ Jø Röm 15:30

Nyïïmera, a kwaya uuni ki nyeŋ Kwääyø ma Jecu Krictø ki køør mëër mar Jwïëc Jwøk ki man lämu ki aani na aciel karubëët, ni kwaayu Jwøk døc kipera,

1 Körin 10:3

Ni camge cam mar Jwøk bëët,

Epeca 5:9

Kiper nyïëdi mo wø nywøl tarri wø joota ri gïï wø näk adïëri bëët, na beyø ni näkge wøpe.

Jøcua 5:12

Ni ö meena ni neeŋul ka amöölla maya køør dïcäŋ mana nø cämge ki caammi moa ciek yi ŋöömmögø; ni tïm jø Icrielli ni bäŋ meena jïge këët. 'Ba gena bëëdö ni ge cämö ki caammi moa ciek yi ŋööm Keenan cwiinøgø.

2 Piter 1:21

Kiper bäŋ gïn mo okøp nyïïkuk Jwøki bäre bäre, mo käla dhi dhaanhø, 'ba ge wø køpa moa käl dhi Jwøk, kanya ö Jwïëc Jwøki na käär geni.