Neemiya 9:2 - Wëël Jwøk

² Kanyøgø jø Icriel dëëtge akälge wøk ki røk juurre, ni öge maal ni køpge raay moge, ki gïïa reyø na tïïc kwäcge.

Neemiya 9:2 Iomraidhean Croise

1 Nyeye 8:47

ni näk mo ge cätö yi ŋöömö mana kïth ge yie ni ge mak ka tøŋ, ni løkge cwïnyge ni kwacge ïïni yi ŋööm jøøa mak ge ki tøŋ, ni köge, ni ‹Waana bääyö, ni nø tïïwa ki gïn mo reyø døc,›

Edhera 10:11

'Ba ennø, køpu raayu jï Wuuö Jwøk, Jwø kwäyu, ni tïïyu mana manynye, ni kälu dëëtu wøk ki røk juurre mo wø bëëdö yi ŋöömmi, ni kwierru nyïï juurre moa nywømmu.»

Edhera 6:21

'Ba jø Icriel moa mak ki tøŋ moa duuö, cam manøgø acamge na aciel ki jiy bëët moa løø rege baŋ Wuuö Jwøk, Jwø Icriel, na näk dëëtge ege käl wøk ki røk wïth juurre, jøøa dëëtge ba waany na en yi paac.

Edhera 9:1

'Ba køør gïïögø bëët, dïbwöthe mo jø Icriel aö baŋa ni köge, ni «Jø Icriel, ki dïlämme, ki jø tuuŋ Libay, dëëtge kärge pääŋŋö ki juurre moa bëëdö yi ŋöömmi, mo wø tem gïïa näk ec raac ki ge, ni beege jø Keenan, ki jø Këth, ki jø Përec, ki jø Jeebuc, ki jø Amön, ki jø Möap, ki jø Ijep, ki jø Amör.

Edhera 9:15

Wui Wuuö Jwøk, Jwø Icriel, ïïni, ï beer; kiper waani, waana wec na mo dööŋ ni kwøw, kaawat man bëëde dïcäŋi en. Ennø, raay mowa ena nyïmï; ni bäŋ dhaanhø rewa mo maar cuŋŋö nyïmï ki køør raay mowa.»

Edhera 9:2

Kiper geni, nyïï juurre møøk akälge ni nywømge ge na mään jïge ki jï wäätge, ni ö kunhnhö marge na en kur keere na mar Jwøk ni put ree jääp ki kunhnhö mar juurre. 'Ba beege dïbwöthe ki jø kööre na no opöödhö ki tïïc manøgø ni raac enø.»

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Neemiya 10:28

'Ba jiy møga bëët, ki dïlämme, ki jø tuuŋ Libay, ki jø wø koor dhøgi mo kal mar Øt Jwøk, ki jø wø wär ki dudi Øt Jwøk, ki jø wø tïïö yi Øt Jwøk, ki jiy bëët moa käl dëëtge wøk ki røk wïth juurre ki man cïpge dëëtge jï ciik Jwøk, geni ki määrge ki wäätge, ki nyïïge, ni beege jøøa näk tier luubö cøøa wïthge,

Neemiya 10:29

gena dwätö ki nyïïmëëkge, ni beege dïbwöthe moge, ni lamge dëëtge ni kööŋge ki man cääthge køør ciik Jwøk na cïp Jwøki ki ri dhaanhnhe ma Modhe, ki man gwøkge gïïa cem kwäärö Wuuö Jwøki bëët, Jwøk marø, ki luup ŋøl moe, ki pwöc moe, ni köge,

Neemiya 13:3

'Ba kanya ö jiyi na wïnyge luup moa en yi wëël ciik Jwøk, geni juurre bëët aputge käl wøk ki røk jø Icriel.

Neemiya 13:30

'Ba aani, gena kïtha kur keerge ki røk juurre, ni cïïmma tïïe mo dïlämme jïge, ki mo jø tuuŋ Libay, ni ŋati man nø tïïya tïïc mare.

Pwöc Leec Wïc 28:13

Ŋat wø kaan bääyö mare ba bëënynyi, 'ba ŋat wø køp raay moe ni wec geni, mëëy Jwøk di joodø.

Aydheea 2:6

Wui Wuuö Jwøk, jiyï ma jø dhi øt Jeekap aweyï, kiper mana caathge køør ajuuk mo jø kur tuul-cäŋ, ni tïmge ni ge tïïö ki jap adïëda kaamar jø Pilitin, ni dwätge ki juurre møøk.

Jeremaya 14:20

Wui Wuuö Jwøk, rääö marwa ajïëcwa, këël raay moa tïïc wëëkwa, kiper waana bääyö dëërï, wa bëët.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Daniel 9:20

'Ba kanya bëëda naa cäänö naa lämö naa køpa raay 'moa ki mo jø powa ma jø Icriel, naa peedha kwac mara nyïm Wuuö Jwøk, Jwøk mara, kiper thuur mar Øt Jwøk na en kur keere,

Odheea 5:7

Gena tïmö ni ge tïïö ki riek waŋ dëër Wuuö Jwøk, ni ge nyöödö ko obwöre ma nyïïkwaalle. 'Ba geni ki pwöth moge geno ränynyi ki køør wödö man wø wøørge päär mar dwääy ki gø.