Neemiya 9:19 - Wëël Jwøk

¹⁹ «Ïïni, ki køør mëër marï na päl, ge kärï wii dï paap; 'ba pöölö mo ree ee wenyø poot bëëdö ni bwøtha geni ki øtjöö marge ki dïcäŋ; ni pöölö mo ree ee wenyø mo liel kaamar maac poot bwøtha geni ki wäär, ni meenya jöörge kany cørge yie.

Neemiya 9:19 Iomraidhean Croise

Neemiya 9:12

Ïïni, jiyï abwøthï ki dïcäŋ, ni ge bwøthï ki pöölö mo ree ee wenyø, ni bwøthï geni ki wäär ki pöölö mo ree ee wenyø mo liel kaamar maac, nee jöörge meenye kany cørge yie.

Neemiya 9:27

Kiper manøgønø, gena cïbï ceŋ nyïïmän moge, jøøa caar geni; 'ba kanya jwöŋge dëërï ni ge ena yïth gïï mo leth, marge awïnynyï niï ena maal. Køøre ïïni, ki køør mëër marï na päl, ïïna cïpö jïge ki jiy mo käla geni wøk ceŋ nyïïmän moge.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Bwøth Wøk 40:36

'Ba këël mana tïme na ri wääth marge bäre, kany wø ö pöölö wø tïŋi maal bäät oduŋkaara na näk kar bëëtö mar Wuuö Jwøk, jø Icriel wø tïŋŋö;

Bwøth Wøk 40:38

Ni ö gïnögø ni put bëëdö ni nut ki yi wääth marge bäre, ni pöölö mar Wuuö Jwøk ena bäät oduŋkaara na näk kar bëëtö mar Wuuö Jwøk ki dïcäŋ, ni tïm pöölö manøgø na maac ki wäär, ni nëënö jï jø Icriel bëët.

Aydheea 44:21

«Wui, ï na Jeekap, ni bee yi na Icriel, par wïïï ki gïïögø, kiper ïïna dhaanhnha; ïïna nø cwääa ni ïïna dhaanhnha. Wui, ï na Icriel, wïïa ba wïl ki ïïni.

Wëël Kïmmö 3:22

ni beeye mëër mar Wuuö Jwøk ni wø ba jøøl na kärø ränynyö en, kiper bäth ec mare bëëdö na bäre bäre ni ba ränynyi.

Edhikiel 20:14

'Ba gïnögø kära tïïö kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:17

'Ba aani, yia acäŋa warrø ki geni, ni kära geni raanynyø këët wala ki man dïïra wïthge dï paap.

Edhikiel 20:22

'Ba cera ajooa ki man tïïa gïnögø kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Daniel 9:18

Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Daniel 9:9

Ï na Kwäärö Wuuö Jwøk, Jwøk marwa, marï beeye mëër ki wëën jiy, këël na bëëtwa ni wa gëëmö ki ïïni,

Milkiya 3:6

'Ba Wuuö Jwøk, eni na wïth jammi bëët, aköö, ni «A na Wuuö Jwøk, acaaya ba wiila; ni beeye tiere ni käru ränynyö na bäre en, u na nyïïkwaac Jeekap.

Kwään Jiy 14:14

køpge købø jï jø bëëdö yi ŋöömmi en. 'Ba ennø, Awuuö Jwøk, onø wïny jø bëëdö yi ŋöömmi en niï ena dï jøøi, ni wïnyge gø thuwø ni riï iï nyoodhø niï nëënö, ï na Wuuö Jwøk, ni pöölö marï na näk ree ee wenyø cuŋŋö bäätge, niï cäädha nyïmge yi pööllögø ki waŋcäŋ, ni cäädhï nyïmge ki wäär thuwø yi pöölla näk ree ee wenyø ni liel kaamar maac.

Tiet Ciik 8:2

'Ba wïthu wär caarru ki jöö mana ö Wuuö Jwøki na näk Jwøu na käär uuni ki gø dï paap ki yïth cwiiri moi na pïëraŋween ii. Wuuö Jwøk gïï mo leth akäl bäätu, kiper nou pwönynye, kiper nou päänynye, nee gïna en cwïnynyu nee ŋääe, ki man näk mo ciik moe gwøgu gwøø wala ba gwøgu.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.