Neemiya 9:17 - Wëël Jwøk

¹⁷ Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Neemiya 9:17 Iomraidhean Croise

1 Nyeye 6:13

Ni puta bëëtö dï jiya ma jø Icriel ni ge ba wiia.»

1 Nyeye 8:57

'Ba ennø, beerra man ö Wuuö Jwøki, Jwøk marø, ni bëëde ki øøni, kaawat mana bëëde ki kwäyø; ni ba wec øøni ni ba kwier øøni.

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Bwøth Wøk 32:9

Ni cäŋ Wuuö Jwøki köö jï Modhe, ni «Aani jøøgø aneena døøc; ka adïëri møn, gena jiy mo wïthge teek.

Pwöc Leec Wïc 1:24

'Ba kiper mana cøøra uuni ni kweeru, ni rwääa ceŋŋa baŋu, ni bäŋe ŋat mo oneen gø,

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Edhikiel 5:6

'Ba ki køør rääö mare, ciik 'moa ki gïïa köömma eni ki ge akwiere, ni kaala wïth juurre ki mïëri moa en deŋŋe. Eni ciik 'moa akwiere, ni käre cäädhö ki køør gïïa köömma eni ki ge.»

Daniel 9:9

Ï na Kwäärö Wuuö Jwøk, Jwøk marwa, marï beeye mëër ki wëën jiy, këël na bëëtwa ni wa gëëmö ki ïïni,

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Ciik Kiper Dïlämme 26:44

'Ba këël na tïïcge gïïögø, kanyo enge yi ŋööm nyïïmän moge, ge ba kwiera, naa ba männi ki geni ki man raanynya ge. Ni näk mo tïïa tïïö, tïmö naa raanynya luumma tuuda ki geni. 'Ba ba tïïa, kiper beeye aani na Wuuö Jwøk, Jwøk marge.

Neeyam 1:3

Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Kwään Jiy 14:41

'Ba Modhe aköö jïge, na «?Aperŋø na dhallu dwør Wuuö Jwøk en? Ennø, wääth maru ba thur kare.

Kwään Jiy 16:14

Maya thuwø, wa kärï kïth yi ŋöömma näk caak ki maar kïc päl yie; këël pwöth beel ka ajïniine bäŋgø mo iï cïbö jïwa na mowa. ?Aŋø, ï manynya man tïïyï jiy na cööye? Jïwa bäyö, wa ba ööi.»

Moa Tïïc Nyïïatwieli 7:39

'Ba kwäyø gena kweer ki man leŋge mare, ni køøge gø kur keere, ni cwïnyge poot manynya Ijep.

Wëëlö Mana Göör Pøølli Baŋ Jø Röm 9:15

Kiper ena köö jï Modhe, ni «Ŋato kønya beeye ŋato kønya. Ni ŋato päth cwïnya ki gïre, beeye ŋato päth cwïnya ki gïre.»

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.