Neemiya 9:16 - Wëël Jwøk

¹⁶ «'Ba geni na kwäcwa gena tïmö ni marge atöör, ni døøcge wïthge mo teek, ni kärge ciik moï wïnynyö.

Neemiya 9:16 Iomraidhean Croise

2 Nyeye 17:14

'Ba jø Icriel ki jø Juuda luummögø kärge wïnynyö, ni bëëtge ni wïthge teek kaamar kwäcge, na kär Wuuö Jwøk, Jwøk marge, ŋäädhö.

2 Luup Nyeye 29:6

Kiper kwäyø gena bääö dëër Wuuö Jwøk ni tïïge ki gïï mo nëëni ni reyø ki jï Wuuö Jwøk, Jwøk marø, ni wecge gø, ni løøge nyïmge wøk ki kar bëëtö mar Wuuö Jwøk, ni løøge ŋäthge baŋ gø.

2 Luup Nyeye 30:8

'Ba ennø, kär wïthu døøyu mo teek kaawat mana tïïc kwäyu, 'ba beerra man wïnynyu luum Wuuö Jwøk, ni dønynyu kar bëëtö mare na en kur keere, na näk ee cïp kur keere na bäre bäre, ni tïnynyu Wuuö Jwøk, Jwøk maru, nee wëër mare ni wø liel kaamar maac nee paanye bäätu.

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

Neemiya 9:10

Ïïna tïïö ki nyuuthe ki gïï mo rëëma ec dëër Peerø ki dëët jiye moa kwörge døøŋŋø bëët, ki dëët jiy bëët moa en yi ŋöömö mare, kiper ïïni, gïna tïïcge ni bëëtge ni ge töödö bäät jiyï ki gø ŋäyï. Ïïni, nyeŋŋï atïïyï nee wïnye kaawat man bëëde dïcäŋi en.

Neemiya 9:29

«Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Bwøth Wøk 32:9

Ni cäŋ Wuuö Jwøki köö jï Modhe, ni «Aani jøøgø aneena døøc; ka adïëri møn, gena jiy mo wïthge teek.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Aydheea 63:10

'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Edhikiel 5:6

'Ba ki køør rääö mare, ciik 'moa ki gïïa köömma eni ki ge akwiere, ni kaala wïth juurre ki mïëri moa en deŋŋe. Eni ciik 'moa akwiere, ni käre cäädhö ki køør gïïa köömma eni ki ge.»

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Tiet Ciik 31:27

Kiper aani ageem maru ki teek cwïny maru ŋääa. Neennu, uuna nø gëëmö ki Wuuö Jwøk naa poot nut naa kwøw. ?A no thøøa nø, naa tøør dïïu, a teeŋ ageem mo nyïëdi noo tïïyu?

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 5:29

'Ba doo na ge puta bëëtö ki cwïny ma enøgønø na bëëde, ni ge lwäär ki aani ni ciik 'moa gwøkge gwøø cooth, doo beer; køøre geni ko obwöre moge ge doo jïtö ki bëëtö mo beer na bäre bäre.

Tiet Ciik 9:13

«Ni cäŋ Wuuö Jwøki cäänö ki aani, ni kööe, ‹Ka adïëri møn, jøøi ii ajooda ni gena jiy mo wïthge teek.

Tiet Ciik 9:27

Caar wïïï ki laagï ma Eeberam ki Aydhak ki Jeekap; kärï tïmö niï neeta teek wïc mar jøøi, ki gïïa reyø na tïïcge, ki raay moge,

Tiet Ciik 9:6

Kiper manøgønø, beerra man ŋäyu gø ni paa kiper beer maru no ö Wuuö Jwøk na näk Jwøu noo cïp ŋöömmi ni beer en jïïu nee lwørru na maru, kiper uuna jiy mo wïthu teek.

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.

Ibaru 3:15

kaawat mana no ogöörö, ni «Dïcäŋi en, noo wïnynyu dwøre, kär cwïnynyu døøyu mo teek ni caala dïcäŋ mar ageem.»