Neemiya 9:1 - Wëël Jwøk

¹ 'Ba kanya tïm nïr dwää abïriiø ni pïërariiø ka aŋween, jø Icriel dëëtge acooŋge kanya ciel, ni bëëtge ni ge ba cämö, ni keece ege røø dëëtge na abïïe, ni bäätge ege kunynyö ki tør ni ge jwönna dëëtge.

Neemiya 9:1 Iomraidhean Croise

2 Camiel 1:2

'Ba na tïme na dää nïne, ka adïëri møn, nyen mør aöö ki twïër mar Cøøl na abïïe moe ee jeeyø ni wïïe ee jööpö ki tør ki pänh cwïny. 'Ba kanya pïïe baŋ Deebit, cøŋŋe aput këël piny ni kuul wïïe piny ni määtha gø.

2 Luup Nyeye 20:3

Kanyøgø Jøcapat aput lwäyö, ni løø nyïme baŋ many Wuuö Jwøk; ni gööc piny ka awaaci dï Juuda bäre nee jøw wötge ni bäŋ cam mo bel.

2 Luup Nyeye 7:10

'Ba na tïm nïr dwää abïriiø na pïërariiø kurdäk, Cølöman jiy awëëk døøn mïëcge ki kanynyø ki met cwïny mo dwøŋ, kiper jammi moa beyø bëët na tïïc Wuuö Jwøki jï Deebit ki Cølöman ki jï jiye ma jø Icriel.

Edhera 8:21

Kanyøgø kanya enwa bäät naam Awaa, aana cïpö ki dwøl kiper nee jøw ba cämge, nee rewa dwøkwa piny nyïm Jwøk marwa ni wa kwaya eni kiper nee waani ko obwöre mowa ki jammi mowa bëët gwøe waŋjöö.

Edhera 8:23

Kanyøgø waana bëëdö ni wa kär cämö ni wa kwaaya Jwøk marwa kiper luummögø, ni ö eni ni wïny kwac marwa.

Neemiya 8:2

'Ba kanya tïme na dïcäŋ mana dïkwøŋ mana täk nïr dwää abïriiø yie, dïlämi ma Edhera wëël ciik Jwøk akäl wøk nyïm jø acooŋa, ni beege cwøw ki mään, këël ko obwöre bëët moa näk tier luubö cøøa wïthge.

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Acther 4:3

Kar kanyøgø kwöra näk dwøl mar nyeya ka awaaci mare opïï yie yïth mïëri moøgø bëët, kïmmö mo dwøŋ døc dagø ma atägö baŋ jø Juuth. Ni bëëtge ni ge wödö, ni ge jwöŋö, ni ge guyö; ni thööthge bëët ge buuta bäät abïïk keece yi bur.

Jööp 2:12

'Ba kanya cige na lwiithge gø ni karge poot bäär, eni kärge ŋiiø, ni putge tägö ko oduuru ni döötge ege tïŋ maal døc; ni jeecge abïïe moge, ni jøøpge tør wïthge ki pänh cwïny.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Ciik Kiper Dïlämme 23:34

ni «Caanï jï jø Icriel ni Wuuö Jwøk aköö, ni ‹Noo tïm nïr dwää abïriiø manøgø na apaar kurbïïc, beeye kanyo täk Ajwöma Man Wø Wøør Ni Jøw Bëëdö Yïth Abïle ki nïne abïriiø, ni wøørra aani, a na Wuuö Jwøk.

Ciik Kiper Dïlämme 23:39

« ‹'Ba noo tïm nïr dwää abïriiø na apaar kurbïïc, kanyo nø kayu caammi moa en yi ŋöömö maru, ajwöma mar Wuuö Jwøk wär wøørru ki nïne abïriiø. Dïcäŋ mana dïkwøŋ wär jïtu ki jwöm, ni jïtu ki jwöm ri bäc nïne.

Jøcua 7:6

Kanyøgønø, Jøcua abïï mare ajeee, ni gøø ree piny nyïm acanduk mar Wuuö Jwøk, ni bëëde kaace këël mana tïm pinynyi na abøøya, ni beeye eni ki jø døøk Icriel bëët; ni jørge tør wïthge ki pänh cwïny.

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

Pïëmme 20:26

Køøre jø leny mo jø Icriel, këël jiy bëët, gena aa Bëthël ni jwöŋge yie; ni bëëtge kaace nyïm Wuuö Jwøk, ni mänge dëëtge ki cam ki yi cäŋögø bäre këël mana päth cäŋŋi. Ni cïpge jï Wuuö Jwøk ko olämme mo wø waaŋ bäre ko olämme mo wø duunni ki mëër.

1 Camiel 4:12

'Ba ni poot na dïcäŋögø, ŋat ma nyï tuuŋ jø Benjamen arïŋŋö ki pwöl leny ni pïïe Cëëlö na abïïe moe ee jeeyø ni wïïe ee jööpö ki tør, ni nyootha pänh cwïny mare.

1 Camiel 7:6

Kanyøgønø, jiy rege acooŋge Micpa. Ni ö pïïyi ni øømmi ni kønynyi piny nyïm Wuuö Jwøk ni nyootha bääyö marge. Ni ö jiyi ni kweerge ki cam dïcäŋeca, ni putge marge caan kaace, ni köge, ni «Waana bääyö dëër Wuuö Jwøk.» 'Ba Camiel luup jø Icriel aŋøle Micpa.