Neemiya 8:5 - Wëël Jwøk

⁵ Ni kanya ö Edhera na jap wëëlö, nëënö nyeŋ jiy bëët, kiper eni cuŋŋö ni wïth jiy bëët ee thiel piny. Ni kanya jap wëëlö jiy bëët gena put ö maal.

Neemiya 8:5 Iomraidhean Croise

1 Nyeye 8:12

Køøre Cølöman aköö, ni «Wuuö Jwøk onø köö ni eni bëëdö yi pöölö mo odhïŋ.

1 Nyeye 8:14

'Ba kanya bëëde ni lwaa Icriel bäre cuŋŋö kaagø, nyeya ma Cølöman nyïme aløø baŋge ni gwïëth geni bëët.

Neemiya 8:3

Ni kwaan wëëlö ki mana täge ka amöölla këël dhöör dïcäŋ, ni jiy ee løø nyïme kar acooŋa kanya leer na en nyïm dhi kiir man wø cwøl ni Dhi Kiir Pïï, ni kwaane nyïm cwøw ki mään, këël obwöre moa näk tier luubö cøøa wïthge. 'Ba jiy bëët ïthge acekge døc ki luup moa en yi wëël ciik Jwøk.

Neemiya 8:4

'Ba kar kaagø Edhera, eni na dïpööy mar ciik Jwøk, cuŋŋa bäät jenni maal mo otieŋø mo ogeer jiyi nee eni cuŋŋe bääte kiper acooŋa manøgø. 'Ba jøøa kwörge døøŋŋø moa cuŋŋö bäät cwïïe beege Matitiya, ki Cema, ka Anaya, ki Uria, ki Kilkiya, ki Maycëya; ni jøøa kwörge døøŋŋø moa cuŋŋö bäät caame beege Pedaya, ki Micaël, ki Malkiya, ka Acum, ki Acbedana, ki Dhekaraya, ki Meculam.

Pïëmme 3:20

Kanyøgønø, Ëwut aput ci baŋ Ëglön øda ŋec na bëëde yi gø na e keere bäät øtø maal. Køøre Ëwut aköö, ni «Aani, da luubö mo käla baŋ Jwøk mo daa caanø jïrï.» 'Ba Ëglön aput ö maal ki bäät wälu mare.