Neemiya 8:3 - Wëël Jwøk

³ Ni kwaan wëëlö ki mana täge ka amöölla këël dhöör dïcäŋ, ni jiy ee løø nyïme kar acooŋa kanya leer na en nyïm dhi kiir man wø cwøl ni Dhi Kiir Pïï, ni kwaane nyïm cwøw ki mään, këël obwöre moa näk tier luubö cøøa wïthge. 'Ba jiy bëët ïthge acekge døc ki luup moa en yi wëël ciik Jwøk.

Neemiya 8:3 Iomraidhean Croise

Neemiya 10:29

gena dwätö ki nyïïmëëkge, ni beege dïbwöthe moge, ni lamge dëëtge ni kööŋge ki man cääthge køør ciik Jwøk na cïp Jwøki ki ri dhaanhnhe ma Modhe, ki man gwøkge gïïa cem kwäärö Wuuö Jwøki bëët, Jwøk marø, ki luup ŋøl moe, ki pwöc moe, ni köge,

Neemiya 13:1

'Ba kar kaace wëël ciik mana cïp Jwøki ki ri Modhe abëëdö ni di kwaanø ni dwøl ena maal ni wïnyö jï jiy; ni mana näk ogöör piny yie na joot yie beeye ni juurre ma jø Amön ki juurre ma jø Möap kärge jïëc ki man nutge ya acooŋ Jwøk na bäre bäre.

Neemiya 8:1

'Ba kanya ö dwää abïriiø na tääi, ni jø Icriel onø pï piny yïth päänye moge, geni ge bëët rege acooŋge kanya ciel kar acooŋa kanya leer nyïm dhi kiir man wø cwøl ni Dhi Kiir Pïï, ni ge bëëdö kaamar dhaanhø aciel. Køøre geni, acaange jï Edhera, eni na dïpööy mar ciik Jwøk, nee wëël ciik na cïp Wuuö Jwøki jï jø Icriel ki ri Modhe käl wøk.

Neemiya 8:18

Edhera abëëdö ni wëël ciik Jwøk kwaane kwaanø ki yïth nïne bëët ki mana täge ki dïcäŋ mana dïkwøŋ këël mana këët yi cäŋ mana näk aŋuudi. Gena bëëdö ni ge wøøra ajwöma ki nïne abïriiø; 'ba na tïme na ri bäc nïne, gena jïtö ka acooŋa mo ena kur keere ki køør luubö mana näk ocïp piny.

Neemiya 8:4

'Ba kar kaagø Edhera, eni na dïpööy mar ciik Jwøk, cuŋŋa bäät jenni maal mo otieŋø mo ogeer jiyi nee eni cuŋŋe bääte kiper acooŋa manøgø. 'Ba jøøa kwörge døøŋŋø moa cuŋŋö bäät cwïïe beege Matitiya, ki Cema, ka Anaya, ki Uria, ki Kilkiya, ki Maycëya; ni jøøa kwörge døøŋŋø moa cuŋŋö bäät caame beege Pedaya, ki Micaël, ki Malkiya, ka Acum, ki Acbedana, ki Dhekaraya, ki Meculam.

Neemiya 8:5

Ni kanya ö Edhera na jap wëëlö, nëënö nyeŋ jiy bëët, kiper eni cuŋŋö ni wïth jiy bëët ee thiel piny. Ni kanya jap wëëlö jiy bëët gena put ö maal.

Maak 12:37

Eni, ena cwøl Deebiti ki dëëre ni Kwäärö. ?Ena dee cäŋ tïmö na wääde nidïï nø?» Ni ö lwaaøgø ni päl enø ni wïnyge dwøre ni mïn yïthge.

Luk 19:48

'Ba bäŋ gïn mo ege joodø mo maarge tïïc, kiper na tïm jiyi bëët ni leŋa luupe.

Luk 8:18

Kiper manøgønø, cegu ïthu døøc ki gïn wïnynyu en. Kiper ŋat wø jïre dagø, møøk ocäŋ cïpö jïre. Ni ŋat wø jïre bäŋgø, këël man wø caare ni mare, di lwørø.»

Moa Tïïc Nyïïatwieli 13:15

'Ba køøre na kwaan ciik Jwøk ki mo nyïïkuk Jwøk, kwääri mo øt acooŋ lam ajääk baŋge, ni köge, «Nyïïmera, ni näk jïïu da luubö mo dou købø jï jiy, caannu.»

Moa Tïïc Nyïïatwieli 13:27

'Ba jø Jerucalem ki kwääri moge, kiper mana kärge Jecu ŋiiø ni kärge tiet luup moa car nyïïkuk Jwøki kwanyø, ni wø kwari ki yïth nïr jwömö bëët, luupögø awëëkge thur karge ki køør mana ŋølge gø yi thøø.

Moa Tïïc Nyïïatwieli 15:21

Kiper ki mana täge ya acääŋŋe cøøn Modhe jïre da jiy yïth mïëri bëët mo wø køp gïre. Kiper luumme wø di kwaanø yïth nïr jwömö bëët yïth uut acook lam.»

Moa Tïïc Nyïïatwieli 16:14

'Ba dhaanhø aciel dïge mana wïny luumwa beeye nyijø mo nyeŋŋe Lidia, ma nyijø pääny Thayatira, mo wø gädhö ka abïïe ma wøpe, ŋat mo wø bëëdö ni wøøra Jwøk. Eni cwïnye ajap Wuue, ni cek ïthe ki luupa caan Pøølli.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Moa Tïïc Nyïïatwieli 20:11

'Ba na nø døø Pøølli maal, ni pøt møø ni cäme, ena wääö ki geni ki kany mo yie bäär, gøøc mana tuul cäŋŋi. Køøre, ena aay.

Moa Tïïc Nyïïatwieli 20:7

'Ba na tïme na täk tïïc, ni dëëtwa ewa cooŋ kanya ciel nee wa cämwa ki møø, Pøøl acäänö ki geni, ni ee cooŋø ki cwïnye ni eni tïŋŋö ka aruunnø. Ni tïïc luumme ni yie bäär ni këët dï wäär.

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Tiet Ciik 31:9

Køøre Modhe ciik moøgø agöör piny ni mëëk gø dïlämme, ni beege nyïïkwaac Libay, jøøa käär acanduk man wø nyooth luumma tuut Wuuö Jwøki ki jiy. Ni cïbe kaperge bëët ki jø døøk Icriel.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

Jøcua 8:35

'Ba bäŋ luubö aciel mo odööŋ røk ciik moa cem Modhe ni kär kwaan Jøcua nyïm acooŋa mar jø Icriel bäre ki mään ko obwöre moa thenh thenh ki juurre moa path na bëëdö dïge.

Mana Nyooth 2:29

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»

Mana Nyooth 3:22

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»