Neemiya 8:17 - Wëël Jwøk

¹⁷ Ni ö jiyi bëët moa duuö na mak ki tøŋ ni gëëtge ka abïle ni bëëtge yïthge. Ka adïëri møn, teeŋ ajwöma manøgø poot kär wøør jø Icrielli cøøn ki mana täge ki ri nïr Jøcua o Nun këël dïcäŋ manøgø. Ni met ec marge manøgø beeye met ec mo dwøŋ døc.

Neemiya 8:17 Iomraidhean Croise

1 Luup Nyeye 29:22

Kanyøgø gena put cämö ni mäthge yi cäŋ manøgø ki met ec mo dwøŋ døc nyïm Wuuö Jwøk. Ni cäŋge Cølöman o Deebit røønynyø na nyeya ni thïïmge wï gø ki maaw nee tïme na bwödhi nyïm Wuuö Jwøk. Ni ö Dhadök thuwø ni røønyge gø na Kwääy Lam Mana Dwøŋ.

2 Luup Nyeye 30:26

'Ba met ec mo dwøŋ atägö Jerucalem, kiper poot bäŋ gïn mo otägö mo caala teeŋ man yi Jerucalem køør nïne moa beet Cølömanni o Deebit nyeny Icriel.

2 Luup Nyeye 35:18

'Ba bäŋ wödö mar cäŋ Cäŋa Pööth Thøøe Yie mo caala teeŋ man mo otïïö Icriel, 'ba ŋuuda yïth nïr Camiel na näk nyikuŋ Jwøk; ni bäŋ ŋat mo owøør cäŋ Cäŋa Pööth Thøøe Yie ki røk nyeye mo Icriel ki wödö mo röömi ki man na tïïc Jöcaya, ki dïlämme, ki jø tuuŋ Libay, ki jø Juuda ki jø Icriel moa en kaagø bëët, ki jø wø bëëdö Jerucalem.

2 Luup Nyeye 8:13

'Ba olämme moøgøøni na cïpi ya Cølömanni, tïïe ka køør ciik Modhe moa näk ocïp piny kiper yi cïp olämme mo wø cïp ki yi cäŋ cooth, ki yïth cääŋŋe mo jwöm, ki kany wø päär dwääyi, ki kwör ajwöm moa na adäk mo wø wøør ki yi cwiir cooth, ni beege Ajwöm Møga Näk Ree Bäŋ Thømmø, ka Ajwöm Caammi Mo Wø Kwøŋ Ciek, ka Ajwöma Man Wø Wøør Ki Yïth Abïle.

Edhera 3:4

'Ba ki køør mana no ogöörö, geni Ajwöm Yïth Abïle awøørge, ni cïpge ko olämme mo wø waaŋ bäre mo kwäänge ŋäc ki yi cäŋ cooth ki køør ciik, ni beege moa no ocïp piny kiper yi cäŋ man nø.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Tiet Ciik 16:15

Ajwöma manøgø dou tïïö ki nïne abïriiø jï Wuuö Jwøk na näk Jwøu kanyo näk ee jierø. Kiper uuno gwïëth Wuuö Jwøki na näk Jwøu ki caammi mo wø ciek jïïu bëët, ki tïïe mou bëët mo wø tïïyu ki ceŋŋu. Køøre u jïtö ki met ec møn.

Ibaru 11:13

'Ba jøøi bëët ii, gena thøø yïth ŋäädhe, ni gïna buuk kär ci jïge, 'ba aneenge ni kare bäär ni mïn yïthge ki gø, ni ege jïëö ni gena jiy mo path mo bäŋ poge bäät piny.

Ibaru 11:9

Ni beeye ŋäädhe, na ö eni na bëëde yi paana buuk, kaawat man wø bëët wëëllö yi ŋöömö mo path, ni bëëdö yïth oduŋkaare ki Aydhak, ki Jeekap, na näk lwiidhi ki eni ri buuögø na aciel enøgø.

Ibaru 4:8

Kiper onää geno mooc Jøcua ki jwömö, Jwøk cäŋ mør ba dee cäŋa caannø.

Jøcua 1:1

'Ba kanya nø thøw Modhe na näk dhaanh Wuuö Jwøk, Wuuö Jwøk acäänö ki Jøcua o Nun, ŋat tïïc mar Modhe, ni kööe,