Neemiya 8:12 - Wëël Jwøk

¹² Kanyøgø jiy bëët gena put aa baŋ cam, ki baŋ maath, ni pääŋge caammi jï jiy, ni wøørge dïcäŋ manøgø ki met ec mo dwøŋ, kiper geni tiet luup moa caan jïge yi wëël ciik Jwøk aci cwïnyge.

Neemiya 8:12 Iomraidhean Croise

1 Luup Nyeye 29:22

Kanyøgø gena put cämö ni mäthge yi cäŋ manøgø ki met ec mo dwøŋ døc nyïm Wuuö Jwøk. Ni cäŋge Cølöman o Deebit røønynyø na nyeya ni thïïmge wï gø ki maaw nee tïme na bwödhi nyïm Wuuö Jwøk. Ni ö Dhadök thuwø ni røønyge gø na Kwääy Lam Mana Dwøŋ.

Neemiya 8:10

Ni kö Neemiya jïge, ni «Uuni, cou ni cammu cam mana met døc, ni maathu køøŋø mana met døc, ni cïpu thäkge møøk jï jøøa näk bäŋgø jïge mo ege jiiŋŋø; kiper dïcäŋ man en atïmö ni ena kur keere na mar Wuuö Jwøk ma Kwäärö marø. Uuni, käru kïmmö, kiper met ec mar Wuuö Jwøk beeye teek maru.»

Neemiya 8:11

Ni ö jø tuuŋ Libay thuwø ni wëëkge jiy bëët lïŋŋö ni köge, ni «Uuni, noukïïl, kiper dïcäŋ man en ena kur keere; uuni, käru kïmmö.»

Neemiya 8:13

'Ba kanya tïme na ri riet nïr dwää abïriiø, dïbwöthe mo wïth tuŋi mo jiy bëët ki dïlämme ki jø tuuŋ Libay, rege acooŋge kanya ciel buut Edhera eni na dïpööy mar ciik Jwøk, kiper nee ïthge cekge døøc ki luup moa en yi wëël ciik Jwøk.

Acther 9:22

kiper beege cääŋŋe moa ö jø Juuthi ni jïtge ki jwöm yie, kiper gïïa doo tïïc nyïïmän moge dëëtge akääŋö, ni beeye dwääna løk pänh cwïny marge yie na met ec, ni ö kïmmö ni løø ree baŋ kanynyø; nee cääŋŋe moøgø tïïcge na mo met ec man tïïge yïthge ka ajwöm-cam ki cïp muuce mo caammi jï nyïïawäätge, ki cïp muuce jï jøøa can.

Jööp 23:12

Aani ciik moe kära wiiø; aani, luup mo wø ö wøk ki dhee yaa kan cwïnya, ni perge leth jïra ni kaala cam man wø cama ki yi cäŋ.

Jeremaya 15:16

Kanya ö luupï baŋa, amwønya yia, ni cïpge ki met cwïny jïra, ni mïn yia, kiper a wø cwøla ri nyeŋŋï, ï na Wuuö Jwøk, Jwø wïth jammi bëët.

Luk 24:32

Ni cäänge keerge, ni köge, na «?Aŋø, kärø joodø ki cwïnynyø møn ya adïëti kanya cään øøni øtjöö, na par luup weet Jwøk jïïø?»

Wëëlö Mana Göör Pøølli Baŋ Jø Röm 7:18

Kiper ŋääa ni bäŋ gïn mo beer jïra mo en dëëra. Løny jïra ki man caya gïn mo beer, 'ba ba løny jïra ki man tïïa gø.

Mana Nyooth 11:10

Ni ö jø wø bëëdö bäät piny ni mïn yïthge ki gïrge, ni kanyge, ni moocge dëëtge ki muuce, kiper nyïïkuk Jwøk moø na ariiø yøø na bëëtge ni caara jøøa bëëdö bäät piny.