Neemiya 8:1 - Wëël Jwøk

¹ 'Ba kanya ö dwää abïriiø na tääi, ni jø Icriel onø pï piny yïth päänye moge, geni ge bëët rege acooŋge kanya ciel kar acooŋa kanya leer nyïm dhi kiir man wø cwøl ni Dhi Kiir Pïï, ni ge bëëdö kaamar dhaanhø aciel. Køøre geni, acaange jï Edhera, eni na dïpööy mar ciik Jwøk, nee wëël ciik na cïp Wuuö Jwøki jï jø Icriel ki ri Modhe käl wøk.

Neemiya 8:1 Iomraidhean Croise

2 Nyeye 23:2

Ni ö nyeya ni ci yi Øt Wuuö Jwøk ki jø Juuda bëët ki jiy bëët mo wø bëëdö Jerucalem, ki dïlämme, ki nyïïkuk Jwøk, ni beege jiy bëët moa kwörge therø ki moa kwörge døøŋŋø; ni ö nyeya ni kwaan luup bëët ni wïnyö jïge moa en yi wëël luumma tuut Wuuö Jwøki ki jiye na joot yi Øt Wuuö Jwøk.

2 Luup Nyeye 34:15

Kanyøgø Kilkiya aköö jï Capan, ŋat wø göör luup akwöma piny, ni «Aani, wëël ciik Modhe ajooda yi Øt Wuuö Jwøk.» Køøre eni wëël ciik aput cïp jï Capan.

2 Luup Nyeye 34:30

Ni ö nyeya ni ci Øt Wuuö Jwøk ki jø Juuda bëët, ki jiy bëët mo wø bëëdö yi Jerucalem, ki dïlämme, ki jø tuuŋ Libay, ni beege jiy bëët, ki mana täge ri jøøa kwörge døøŋŋø këël moa kwörge therø; ni ö nyeya ni kwaan luup bëët ni wïnyö jïge moa en yi wëël luumma tuut Wuuö Jwøki ki jiye na joot yi Øt Wuuö Jwøk.

Edhera 7:1

'Ba ki køør cwiiri mo thööth, kanya bëët Arthëkcic ni ena nyeny Parca, da dhaanhø mo cwøl ni Edhera, Edhera o Ceraya, Ceraya wär Adhariya, Adhariya o Kilkiya,

Edhera 7:10

Kiper Edhera cwïnye ee nø cïp køør ciik mo Wuuö Jwøk nee kwanye nee kïth bäät tïïc, nee ciik Wuuö Jwøk ki luup ŋøl moe nee pööe ki ge dï Icriel.

Edhera 7:11

Man beeye dwøl mar nyeya ma Arthëkcic mana gööre na cïbe jï dïlämi ma Edhera, ni beeye dïpööy mana näk ciik Wuuö Jwøk ki gïïa ceme na cïbe jï jø Icriel ee kwanyø døc. Ena köö,

Edhera 7:6

Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Neemiya 12:26

'Ba jøøgø bëët beege jiy moa tïïö yïth nïra beet Jöyakimmi o Jøcua nyikwaar Jöcëdëk ni ena Kwääy Lam Mana Dwøŋ, ki yïth nïra beet Neemiya ni ena kwäärö mar paac, ki yïth nïra beet dïlämi ma Edhera, eni na dïpööy mar ciik Jwøk.

Neemiya 12:37

Ni ŋutge ki dhi kiir man wø cwøl ni Dhi Kiir Jøøro, ni ge etha maal ki øtjöö mana näk okïthö ki kwör tiel thääŋ Jerucalem man wø cwøl ni Pääny Deebit, ni pööthge ki bäät kiir mana näk wï øt Deebit ee kaalø, ni ge cøøa dhi kiir man wø cwøl ni Dhi Kiir Pïï na en jï løø kur tuul-cäŋ.

Neemiya 3:26

Ni ö jø wø tïïö yi Øt Jwøk ni wø bëëdö bäät thuur Öpël, ni tïïcge tïïc marge këël mana këët buut dhi kiir man wø cwøl ni Dhi Kiir Pïï, ni ge cäätha jï kur tuul-cäŋ ki jï kanya näk okëël ri øt koor.

Neemiya 8:16

'Ba jiy gena put aa wøk, ni kälge bäät jenni, ni gëënge dëëtge ka abïle, ni ö ŋati man nø ni gëëde bäät øde maal, ki yïth käälle moge, ki yïth käälle mo Øt Jwøk, ki kanya leer na en nyïm dhi kiir man wø cwøl ni Dhi Kiir Pïï, ki kanya leer na en nyïm dhi kiir man wø cwøl ni Dhi Kiir Ipariem.

Neemiya 8:3

Ni kwaan wëëlö ki mana täge ka amöölla këël dhöör dïcäŋ, ni jiy ee løø nyïme kar acooŋa kanya leer na en nyïm dhi kiir man wø cwøl ni Dhi Kiir Pïï, ni kwaane nyïm cwøw ki mään, këël obwöre moa näk tier luubö cøøa wïthge. 'Ba jiy bëët ïthge acekge døc ki luup moa en yi wëël ciik Jwøk.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Ciik Kiper Dïlämme 9:5

Kanyøgø nø, geni gïïa ö Modhe na kööm geni ki ge aputge lwør ni kïthge ge nyïm oduŋkaany røømmø, ni ö dhaanh Icrielli bäre ni nyänhge nyïm ni cuŋge nyïm Wuuö Jwøk.

Milkiya 4:4

Ni cäŋ köö, «Parru wïthu ki ciik dhaanhnha ma Modhe, ni beege gïïa cema ki pwöc moa cïba jïre kiper jø Icriel bëët bäät Kïn Körëp.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 23:2

ni «Dïpööye mo ciik Jwøk ki jø Paricith geno dööŋ kar Modhe ni ge pöö.

Mathiew 23:34

Kiper manøgønø, nyïïkuk Jwøk, ki jøøa wïthge leer, ki dïpööye mo ciik Jwøk jääŋŋa jääŋŋö baŋu. Jø møøk dïge 'nägu nääö, ni guru ge bäät jenni moa no odëëdö, ni pöötu møøk yïth uut acook lam mou, ni riemmu geni wøk paani nø, ki paani nø.

Tiet Ciik 31:11

ni beeye kany wø ö jø Icrielli bëët wø öge nyïm Wuuö Jwøk na näk Jwøu yi kanya näk ee jierø.

Pïëmme 20:1

Køøre jø Icriel bëët aö wøk ki kwöra enge yïthge, ni beeye ki mana täge ki Daan na en wï-piny këël mana këët Bëërcïïba na en tier-piny, ni rwöpa ŋööm Gelät bäre na en jï løø kur tuul-cäŋ; ni ö lwaaki ni dwalge rege ni tïmge kaamar dhaanhø aciel nyïm Wuuö Jwøk kanya cwøl ni Micpa.

Pïëmme 20:8

Køøre jiy bëët aput ö maal ki dhøk aciel ni köge, ni «Ennø, bäŋ ŋat mo døø poge rewa këët, këël ŋat mo døø paare, bäŋgø thuwø.