Neemiya 7:65 - Wëël Jwøk

⁶⁵ Køøre kwäärö mar paac aköö jïge ni ge ba løny ki man cämge ki cam man wø en kur keere wø cïp jï Wuuö Jwøk, këël kanyo dee dïlämi mo luup ŋøle ka køør Urim ki Thumim.

Neemiya 7:65 Iomraidhean Croise

Edhera 2:63

Køøre kwäärö mar paac aköö jïge ni ge ba løny ki man cämge ki cam man wø en kur keere wø cïp jï Wuuö Jwøk këël kanyo dee dïlämi mo luup ŋøle ka køør Urim ki Thumim.

Neemiya 10:1

'Ba jøøa näk nyeŋge ogöör piny bäät wëëlö manøgø no omwönö enø, beeye kwäärö mar paac ma Neemiya wär Akaliya, ki Cëdëkiya.

Neemiya 7:64

'Ba jøøgø nyeŋ kwäcge amanyge yi wëël nyeŋ; 'ba kiper mana näk mo kär joodø, gena kwaan kaamar jiy mo ba en ri tuuŋ dïlämme, ni män geni ki tïïc mar dïlämme.

Neemiya 7:66

'Ba kwään jiy moa cooŋ rege kanya ciel kanya duuge ki Babiløn beege jiy ma kume ma pïëraŋween ka ariiø ki dïpe adäk ki pïërabïciel,

Neemiya 7:70

'Ba jiy møøk røk dïbwöthe mo wïth tuŋi, gena cïpö ki jammi kiper tïï Øt Jwøk nee cäŋ geer kare. Ni ö kwäärö mar paaci ni cïpe ki gwet warkey mo darik ma kuma, ki kuure ma pïërabïïc, ka abïïe mo dïlämme ma dïpe abïïc ki pïëradäk, ni kïth geni kar kän.

Neemiya 8:9

Kanyøgø Neemiya, ŋata bëëdö na kwäärö mar paac, ki dïlämi ma Edhera, eni na dïpööy mar ciik Jwøk, ki jø tuuŋ Libay, jøøa caan tiet ciik Jwøk jï jiy, gena köö jï jiy bëët, ni «Dïcäŋ man en atïmö ni ena kur keere na mar Wuuö Jwøk, Jwøk maru; uuni, käru jwöŋö ni ba kïmmu.» Kiper jiy bëët gena bëëdö ni ge jwöŋö kanya wïnyge luup moa en yi wëël ciik Jwøk.

Bwøth Wøk 28:30

Abïï käw man wø nyooth adïëri mar Jwøk ki køøre, yie wär kïthï ki gïïa cwøl ni Urim ki Thumim, nee kany wø duny Aranni nyïma, a na Wuuö Jwøk, nee bëëtge ni ena ya abïïnögø kööre; ni ö Aranni ni käär gïn wø nyooth adïëri mar Jwøk jï jø Icriel ni ena kööre cooth kany wø ö nyïma, a na Wuuö Jwøk.

Ciik Kiper Dïlämme 2:10

Køøre thääŋ muuy mar møk beel mano dööŋ tïmö na mar Aran ki wääte, ni beeye gïn mo ena kur keere mo pere leth røk muuce mo wø waaŋ ki maac jï Wuuö Jwøk.

Ciik Kiper Dïlämme 2:3

Køøre thääŋ muuy mar møk beel mano dööŋ tïmö na mar Aran ki wääte, ni beeye gïn mo ena kur keere mo pere leth røk muuce mo wø waaŋ ki maac jï Wuuö Jwøk.

Ciik Kiper Dïlämme 6:17

Møø manøgø kär deel ni dëëre da thømmø. Aani na Wuuö Jwøk, møø manøgø yaa nø cïp na kurge røk olämme mo wø waaŋ jïra ki maac; eni ena kur keere ni pere leth ni caala olämi mar wëën raay ko olämi mar wëën bääyö.

Ciik Kiper Dïlämme 8:8

Køøre eni abïïna näk abïï käw akïth kö gø, ni ö gïï wø cwøl no Urim ki Thumim ni kïth ge yi kïïny abïï käw.

Kwään Jiy 27:21

'Ba eni na Jøcua enø, wär cuŋŋe nyïm Eliedhar na näk Kwääy Lam Mana Dwøŋ, ni ö Eliedharri ni pëëny aani kiper Jøcua, ni ŋøla luup kipere ki køør gïna cwøl no Urim. 'Ba Jøcua ki lwaa Icriel bäre jammi bëët dige tïïö ki køør dwør Eliedhar.»

Tiet Ciik 33:8

Mana caan Modhe kiper jø tuuŋ Libay beeye en, ena köö, «Awuuö Jwøk, gïïa cwøl ni Thumim ki Urim na näk moï, ni wø nyooth man wø manynyï, ï na Jwøk, beerra man bëëtge ni ena cer dhaanhnhï man wø jierï røk jø tuuŋögø; ni da ŋata päänynyï kanya cwøl ni Maca, na pïëmï ki gø ri luum pï Meriba.