Neemiya 7:2 - Wëël Jwøk

² aani coka ma Anani, ka Ananiya, ŋat wø en kwör gwøk røk cere, gena kwanya nee Jerucalem bëëde ni ena ceŋge; kiper Ananiya beeye dhaanhø mo oŋäädhö, na ŋat mo lwäär ki Jwøk ni kaala jiy mo thööth.

Neemiya 7:2 Iomraidhean Croise

Wïlöölö 42:18

'Ba na tïme na dää nïne Jocep aköö jïge, «Kiper nou kwøw, tïïyu gïn noo caana jïïu en, kiper aani a lwäär ki Jwøk.

2 Camiel 23:3

Jwø Icriel mare anø caane, ni beeye Jwø Icriel na teek na cäänö ki aani ni kööe, ni ‹Ŋato bëëdö na nyeya ni käär jiy ki jöö ma kare, ni jiy kääre ni eni lwäära aani, a na Jwøk,

1 Nyeye 18:12

A kanymør kanyo daa raa buutï, Jwïëc Wuuö Jwøk puta öö ni käl ïïni, ni kïth ïïni kany mo kuua. 'Ba kanyo cøøa noo caana gø jï Akap, no ööe noo ba joot ïïni, eni a pute ka 'näk. Kee ŋäyï ni aani, a na dhaanhnhï en, a bëëdö naa lwär ki Wuuö Jwøk ki mana täga naa poot thiinh.

1 Nyeye 18:3

Køøre Akap, Øbadiya kwääy paan dwøŋ acwøle. 'Ba Øbadiya bëëdö ni Wuuö Jwøk ee wøørø døc;

Neemiya 1:2

coka ma Anani, na dhaanhø aciel røk nyïïmera, ki jiy møøk mo cäädhi ka eni, gena öö ni ge käla Juuda; ni pëënynya geni kiper Jerucalem ki jø Juuth moa näk kär maaø ki tøŋ na no odööŋ ni kwøw.

Neemiya 10:23

ka Awcë, ka Ananiya, ka Acub,

Neemiya 13:13

Køøre aani, dïlämi ma Celemiya, ki Dhadök dïpööy mar ciik Jwøk, ki ŋat tuuŋ Libay mo nyeŋŋe Pedaya, gena kwanya nee bëëtge ni uut kän ena ceŋge; ni meeda Anan bäätge na ŋat køny geni, ni beeye Anan o Dhakur nyikwaar Mataniya. Kiper jøøgø geno caarø ni geno ŋääth jiyi ki man bëët tïï pääŋ jammi ni ena ceŋge ki man pääŋge jammi jï jø wø tïïge ki geni ciel.

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Neemiya 5:15

'Ba kwääri moa kwøŋ bwödhö nyïma dïkwøŋ, ajwäk mo teek akïthge bäät jiy, ni jwäkge caammi mo jiy ki kwøk nyïïomøki moge, ni ge meeda ge bäät gwet-bïrö ma pïëraŋween. Këël jicge, bëët jiy atïïcge ni teek. 'Ba aani teeŋ gïnögø kära tïïö, kiper aani, a lwäär ki Jwøk.

Neemiya 7:3

Ni kööa jïge, ni «Uuni, dhøgi mo kiir mar Jerucalem kär laaru jap këël kanyo lëënh cäŋŋi; 'ba kanyo bëët jø wø koor dhøgi mo kiir ni ge kurö, wär bëëtge no odhuule ege cïëgö ni ege dëëdö ki dïdëëdi. Uuni thuwø, kwänyu ki jø koor røk jø wø bëëdö Jerucalem nee jø møøk bëëtge kwör koor moge, ni jø møøk kurö deŋ uudi moge.»

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Bwøth Wøk 18:21

Køøre thuwø ï doo jëëtö røkge bëët ki jiy mo nyeŋge reegø mo lwäär ki Jwøk, na jiy mo di ŋäädhö, na jiy mo män ki møt; ni tïïyï geni na wïth jø Icriel, ni tïmge na kwääri mo lwaa jiy ma kume ki ma dïpe ki ma pïërobïïci ki mo opaarri.

Daniel 6:4

'Ba kwääri moøgø ki dïbwöthe gena tägö ki man määnyge ki luubö mo kïthge bäät Daniel kiper bëëtö mare yi kwär mar akwöm nyec; 'ba geni bäŋ luubö mo ege joodø mo kïthge bäät gø, wala gïn mo obøth, kiper eni mare adïëri ni bäŋ tïïc mo ee taaø wala gïn mo obøth mo ojoodø baŋe.

Kwään Jiy 12:7

'Ba a ba cäänö ki dhaanhnha ma Modhe na enøgønø, kiper beeye eni no oŋäädhö dï paara bäre.

Mathiew 24:45

«?Na a laŋŋø mane nø, ni wïïe leer mo maar ka ŋääth, ni cuumi kwääye bäät laaŋe mo wø tïïö bëët paare, nee cam marge nee wø mëëk ge kany wø näk ma kare?

Mathiew 25:21

«Ni kö kwääye jïgø, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›

1 Körin 4:2

'Ba jø wø wëëk tïïc, manynya jiy mo oŋäädhö.

2 Timöthi 2:2

'Ba mana wïnynyï baŋa buut jøøa thööth na wïny gø, wär wëëk jiy mo iï ŋäädhö mo maara lønyø jïge ki man pwönyge jiy møøk thuwø.