Neemiya 7:1 - Wëël Jwøk

¹ 'Ba kanya thum kiiri bäre ki mana cäŋi geerrø, ni nø kïtha odhuule kwörge, ni jø wø koor dhøgi mo kiir, ki jø wø wär ki dudi Øt Jwøk, ki jø tuuŋ Libay onø kwany,

Neemiya 7:1 Iomraidhean Croise

2 Nyeye 7:10

Kanyøgønø, gena öö ni cwølge jø wø koor dhi kiir mar pääny, ni caange gø jï jøøgø, ni köge, ni «Waana ci yi twïër mar jø Aram. 'Ba ka adïëri møn, bäŋ dhaanhø aciel mo ena kaace, këël dwør dhaanhø kiree bäŋgø mo wïnyi; 'ba beege okwëënyi ka arëëni mo twöö piny keerge, no oduŋkaare bëëdö karge.»

2 Luup Nyeye 31:2

'Ba Edhekaya dïlämme ki jø tuuŋ Libay acïïmme na dhøgi, ni cïp tïïc mar ŋati man nø jïgø ki yi dhøk mana en yie. 'Ba tïïe moa cïbe jï jøøgø bëët na mo tïïge rege, beege cïp olämme mo wø waaŋ bäre, ko olämme mo wø duunni ki mëër, ki tïny Øt Wuuö Jwøk, ki dwøk met ec ki pwøc dï kal mar Øt Wuuö Jwøk.

Edhera 3:8

'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Neemiya 10:39

Jø Icriel thuwø ki jø tuuŋ Libay, ajwäk mar beel moge, ki mar køøŋ nyïïomøki moa nyärö, ki maaw, wø kälge ka yïth uut kän kwöra bëët jap Øt Jwøki yïthge, kwöra bëët dïlämme yïthge moa en tïïci ceŋge, ki jø wø koor dhøgi mo kal mar Øt Jwøk ki jø wø wär ki dudi yi Øt Jwøk. «Øøni Øt Jwøk marø ba raŋø na gïn mo jööt jaak.»

Neemiya 11:3

'Ba da dïbwöthe mo paac mo bëëdö Jerucalem. 'Ba jø Icriel møøk, ki dïlämme, ki jø tuuŋ Libay, ki jø wø tïïö yi Øt Jwøk, ki nyïïkwaac laak Cølöman, moa bëëdö yïth päänye mo Juuda, ge bëëdö ni ŋati man nø bëëdö yïth ŋøøpe, yi pääny mare mana bëëde yie.

Neemiya 12:24

'Ba jiy moa bëëdö na wïth jø tuuŋ Libay beeye Acabiya, ki Cërëbiya, ki Jëcua o Kadmiël, ki jiy mo wø tïïge ki geni ciel ni ge pwøya Jwøk ni ge dwøga met ec jï Jwøk; ni jøøgø ge cuŋŋö ni ge dïët ki nyïmge kany wø päth tïïci marge ceŋge yie ki køør mana näk ocaan dhaanh Jwøki ma Deebit.

Neemiya 6:1

'Ba kanya caani jï Cenbalat, ki Thöbiya, ki Gëcam nyen ma Araba, ki jï nyïïmän mowa bëët, 'ni aani kiir yaa cäŋ geerrø, ni bäŋ kany mo ŋaam këët dëëre, këël na bëëde kar kaaca ni aani odhuule poot kära kïth dhøk kiir,

Neemiya 6:15

'Ba kiir bäre athum ki geer ki nïne ma pïërabïïc kurriiø, ni nïr dwää abïciel ni wø cwøl ni Ëlul pïërariiø ka abïïc.

Neemiya 6:19

Maya thuwø, jiy bëëdö ni ge cara gïr tïïe moe moa beyø jïra, ni carge luup 'moa jïre. 'Ba Thöbiya ajääŋ baŋa ki weeli kiper naa lwäya.