Neemiya 6:16 - Wëël Jwøk

¹⁶ 'Ba kanya ö nyïïmänni mowa bëët na wïnyge gø, ni ö wïth juurre bëët moa en deŋwa na jootge gø, geni bäätge aput pädhö døc ni nyeŋge okwätö, kiper ajootge ni tïïc manøgø beeye Jwøk na wëëk gø thur kare.

Neemiya 6:16 Iomraidhean Croise

Neemiya 2:10

'Ba kanya ö Cenbalati nyen ma nyï Örönaim, ki Thöbiya nyen ma ŋat köör ma nyï Amön, na wïnyge gø ni da ŋat mo oöö mo manynya bëënynyö mar jø Icriel, geni, cwïnyge aput tïmö ni raac.

Neemiya 4:1

'Ba kanya ö Cenbalati na wïny gø 'ni wa gëëdö ki kiir, ena put gootø ni wëëre døc ni jøøŋ jø Juuth.

Neemiya 4:7

'Ba kanya ö Cenbalati ki Thöbiya, ka Arabe, ki jø Amön, ki jø Acdöt na wïnyge gø ni kiir mar Jerucalem tïïc mare ki man dwøgi kare cäädhö ni beer, ni kwöra ŋammø onø dïïr, geni, gena put wëër døc.

Neemiya 6:17

'Ba ki yïth nïröke thuwø, jøøa kwörge døøŋŋø mo Juuda gena bëëdö ni ge jäägö ki weeli baŋ Thöbiya, ni bëët weeli mo Thöbiya thuwø ni ööa baŋge.

Bwøth Wøk 14:25

Ni ö Wuuö Jwøki ni twöc tiet jïëthe moge mo wø tut okwëënyi, ni tïïc ge ni ba cäädhi ni beyø. Køøre jø Ijep aköö, ni «Beerra man daaø røgø buut jø Icriel, kiper Wuuö Jwøk cwaga geni ni këëdö ki øøni.»

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Kwään Jiy 23:23

Kiper bäŋ jap thïëth mo pïï dëët nyïïkwaac Jeekap, ni bäŋe gïr jwø wø dëëdö mo tägi dëët jø Icriel. 'Ba ennø, gïno caan kiper nyïïkwaac Jeekap na näk jø Icriel, okøp, ni ‹Neennu gïna tïïc Jwøki en.›

Moa Tïïc Nyïïatwieli 5:38

Kiper manøgønø, ri luummi en, aani, a cäänna uuni, ni bëëdu ni karu bäär ki jøøgø ni weyu ge. Kiper ni näk luummögø ki gïno ni tïïcge enø käla baŋ jiy, oränynyi.

Jøcua 2:11

'Ba kanya wïnywa gïnögø, cwïnywa abwøk, ni bäŋe dhaanhø aciel mo cwïnye ee maar mak kiperu; kiper Wuuö Jwøk na näk Jwøu, beeye Jwøk mo maal ki piny ena cere.

Jøcua 2:9

ni kööe jïge, ni «Ŋääa ni Wuuö Jwøk ŋöömmi en ee cïbö jïïu, ni wa bëëdö ni wa lwäär ki uuni døc, ni ö jøøi ni bëëdö kany bëët ii, ni bëëtge ni ge böö ki uuni.

Jøcua 5:1

'Ba kanya ö nyeye bëët mo jø Amör moa en løø Naam Jördan løøga jï løø kur pänh-cäŋ, ki nyeye mo Keenan bëët moa en bäät naama dwøŋ, na wïnyge gø ni Wuuö Jwøk pï Naam Jördan ataale nyïm jø Icriel këël mana ŋutge løøga, geni cwïnyge abwøk, ni päth bäätge ki lwär kiper jø Icriel.