Neemiya 6:14 - Wëël Jwøk

¹⁴ Wui, ï na Jwøk mara, kär wïïï wïl ki gïï ii na tïïc Thöbiya ki Cenbalati, ni ba wïl wïïï thuwø ki gïïa tïïc Nöadiya, dhaaŋŋa näk nyikuŋ Jwøk ni wø køp luup ki wïïe, ki nyïïkuk Jwøk møøk na caal dhaaŋŋøgø, jøøa päär aani naa lwäya.

Neemiya 6:14 Iomraidhean Croise

Neemiya 13:29

'Ba ï na Jwøk mara en, kär wïïï wïl ki geni kiper gïna tïïcge na jääpge kunhnhö mar dïlämme ki kunhnhö mo ba waany, ni raanyge luubö mana tuut kiper tïï dïlämme, ki mana tuut kiper tïï jø tuuŋ Libay.

Neemiya 5:19

Wui ï na Jwøk mara, lääŋ aani ni beer ki køør gïïa tïïa bëët kiper jøøi ii.

Dut Pwøc 22:1

Dut Pwøc 63:1

Bwøth Wøk 15:20

Kar kanyøgøøni Mariyam na näk nyikuŋ Jwøk, na näk cöök Aranni mana näk dhaagø, anëëdö alwøre, ni ci määnni bëët wøk køøre ni ge pöödö ka anëët ni ge miel.

Jeremaya 14:15

Kiper manøgønø, mana ŋøla, a na Wuuö Jwøk, beeye en: Nyïïkuk Jwøk moøgø ni wø køp luup ki wïthge yøø ki nyeŋŋa, këël na bëëde ni ge ba jääŋŋa aani, ni ge köö, ni ‹Leny ki käc ba doo pïï yi ŋöömmi en,› nyïïkuk Jwøk moøgø wïthge dïdö ri leny ki käc.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 28:1

'Ba kanya tïme na køøre cään, ni poot na yi cwiinøgø, ri ŋweer cwiiri moa beet Cëdëkiya ni ena nyeny Juuda, kanya tïme na dwää abïïc, nyikuŋ Jwøk ma Ananiya wär Adhur, na käl Gibien, acäänö ki aani, a na Jeremaya, yi Øt Wuuö Jwøk, nyïm dïlämme ki jiy bëët, ni kööe,

Jeremaya 28:10

Kanyøgø nyikuŋ Jwøk ma Ananiya jaath puur mana en ŋut nyikuŋ Jwøk ma Jeremaya akäl wøk ni toor gø.

Jeremaya 28:15

Kanyøgø nyikuŋ Jwøk ma Jeremaya aköö jï nyikuŋ Jwøk ma Ananiya, ni «Ï na Ananiya en, wïny gïn! Wuuö Jwøk ï käre jääŋŋö, 'ba jiy moi atïïyï nee jïëcge ki luum tööt.

Mathiew 24:11

'Ba nyïïkuk Jwøk mo thööth mo patha adïëri rege othïïŋge ni maaŋge wïth jiy mo thööth.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

2 Timöthi 3:8

'Ba jøøgø ge wø kweer ka adïëri thuwø, kaamar Jeene ki Jambare na kwier luum Modhe, ni beeye jiy mo wïthge reyø, ni geno kweer ki jöör ŋäädhe.

1 Jøøn 5:16

'Ba ni näk da ŋat mo neena coki no obääyö ni patha bääyö man wø cööp ri thøø, Jwøk opëënynye, ni ö Jwøki ni wëëk eni kwøw, ni beeye teeŋ jøø ni bääyö marge patha bääyö man wø cööp ri thøø enø. Kiper da raay mo wø cööpa ri thøø. Naa ba caan gø ni dhaanhø doo lämö kiper manøgø.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.