Neemiya 6:12 - Wëël Jwøk

¹² 'Ba aani, gïnögø ajooda man näk mo eni ba jääŋŋa Jwøki baŋa; 'ba luup moa købe, købe ni eni maaŋŋa wïïa ki geni, kiper eni, eno ŋeeø ki piny, ni eni ŋeewa Thöbiya ki Cenbalati.

Neemiya 6:12 Iomraidhean Croise

Neemiya 6:11

'Ba aana köö, na «?Aŋø, ŋat wø reŋi beeye dhaanhø mo caala aani ennø? ?Teeŋ ŋat mo caala aani ennø, beeye ŋat mo doo cøøa Øt Jwøk Mana Dwøŋ ni eni gwøga jwïëy moe? Aani, a ba døny yie.»

Neemiya 6:13

Ena ŋeew ki piny kiper naa cøøge naa lwäya, nee mana manyge tïïa kiper naa bääya, nee nyeŋŋa raanyge naa päätge.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Jeremaya 23:25

«Aani, gïïa car nyïïkuk Jwøki mo wø køp luup tööt ki nyeŋŋa awïnynya ni ge köö, ni ‹Aana lägö, aana lägö.›

Jeremaya 28:15

Kanyøgø nyikuŋ Jwøk ma Jeremaya aköö jï nyikuŋ Jwøk ma Ananiya, ni «Ï na Ananiya en, wïny gïn! Wuuö Jwøk ï käre jääŋŋö, 'ba jiy moi atïïyï nee jïëcge ki luum tööt.

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Edhikiel 13:7

'Ba Wuuö Jwøk aköö jïge: ?Na aŋø, patha u ni wø cäänö ki luup tööt ni da gïï mo onyoodhø jïïu, ni maru adïëda jaak kany wø kööu, ni «Wuuö Jwøk aköö na ennø nø», ni bäŋ gïn mo yaa caanø?›

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Moa Tïïc Nyïïatwieli 20:33

Bäŋ ŋat mo gwete yaa parø, wala warkey, wala abïïe.

1 Körin 12:10

'Ba ŋat mør wø wëëga tïïc tïïe mo rëëma ec. Ni ö ŋat mørri ni wëëgi køp dwør Jwøk. 'Ba ŋat mør wø wëëga teek ki man ŋec juu. Ni ö ŋat mørri ni wëëgi caan teeŋ dhøgi møøk. 'Ba ŋat mør wø wëëga teek ki man dwøk tiet luup dhøgi ma teeŋi.

1 Körin 2:15

'Ba ŋat mo cwïnye ena køør Jwøk, tiet jammi bëët wø joode joodø, 'ba eni ki dëëre doo bäŋ ŋat mo tiir eni.

1 Timöthi 3:3

ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

Tayta 1:7

'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.

1 Piter 5:2

Gwøgu pïïth mar Jwøk ni en ceŋŋu, ni paa ni uuno maa ki teek, 'ba tïïyu ka met ec kaawat man wø many Jwøki; ni paa kiper nou jïtu ki jammi ree, 'ba beeye kiper mana cïbu cwïnynyu køøre bäre.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

Mana Nyooth 18:13

ki wïth jer wø kïth yi kadø, ki gïï wø jïcge ŋwääi ni met, ki teeŋ mädhi mo wø ŋwääi ni met, ki kwøk nyïïomøki, ki mädhi, ki muunni ma twaye, ki beel, ki dhäk, ki dïëk, ko okwëënyi, ki jïëthe mo wø tut okwëënyi, ki laaŋe, këël jwïëc jiy.