Neemiya 5:9 - Wëël Jwøk

⁹ Køøre aana cäŋ köö, ni «Gïna tïïyu enø patha gïn mo beer. ?Aŋø, uuni, ba løny ki man bëëdu nou lwäär ki Jwøk marø kiper nee ajøøŋ mar nyïïmän 'moø ma wïth juurre tïme ni bäŋgø bäätø?

Neemiya 5:9 Iomraidhean Croise

Wïlöölö 20:11

Ni kö Eeberammi, ni «Ka adïëri møn beeye kiper mana jooda gø ni jøøi ni kany en nëëni keda jiy mo ba lwäär ki Jwøk; ni nëëni keda a 'näkge nääö jaak kiper dhaagø mara.

Wïlöölö 42:18

'Ba na tïme na dää nïne Jocep aköö jïge, «Kiper nou kwøw, tïïyu gïn noo caana jïïu en, kiper aani a lwäär ki Jwøk.

2 Camiel 12:14

'Ba kiper gïna baayï ni dwøŋ enø, na taagï Wuuö Jwøk, nyilaal marï kiree mana lwaar dhaagø manøgø ki gø puta thøø.»

Neemiya 4:4

'Ba a na Neemiya, aana lämö ni kööa, ni «Wui ï na Jwøk marwa, wïny marwa, kiper wa bëëdö ni waano taak jiyi. Beerra man dwøgï ajøøŋ marge dï wïthge, ni wëëgï geni twier, ni kïth geni yi ŋöömö mør ni ge mak ka tøŋ.

Neemiya 5:10

Aani thuwø ki jøøa käärwa tïïc ki geni, ki jø tïïc 'moa, jø pøø gena wëëkwa mäyö ki gwel ki beel baŋwa nee duuge. 'Ba beerra man wec cwøl jammi moøgø ni cwøl ni da wïthge yøø.

Neemiya 5:15

'Ba kwääri moa kwøŋ bwödhö nyïma dïkwøŋ, ajwäk mo teek akïthge bäät jiy, ni jwäkge caammi mo jiy ki kwøk nyïïomøki moge, ni ge meeda ge bäät gwet-bïrö ma pïëraŋween. Këël jicge, bëët jiy atïïcge ni teek. 'Ba aani teeŋ gïnögø kära tïïö, kiper aani, a lwäär ki Jwøk.

Pwöc Leec Wïc 16:29

Ŋat okiera wï watge wø di maaŋŋø, ni watge wø di bwødhø ki øtjöö mo ba beer.

Pwöc Leec Wïc 17:26

Cam jammi jaak bäät ŋat mo mare beer paa gïn mo beer, ni pwöt dhaanhø mo kare dwøŋ kiper bëëtö mare na thïïŋ poot paa gïn mo beer.

Pwöc Leec Wïc 18:5

Ajeeny paa gïn mo beer ki man ci løø ŋat mo raac, wala ki man daaŋ luup ŋat mo mare adïëri kar løøk.

Pwöc Leec Wïc 19:2

Paa gïn mo beer ki man many gïrpiny døc ni bäŋ kwänynyö, ni ŋat wø jalli, jööre wø di baaø.

Pwöc Leec Wïc 24:23

Moi thuwø beege luup pwöc mo jøøa wïthge leer: Ki man ŋøl luup mo rege da ajeeny ba beer.

Edhikiel 36:20

Kwöra cige yïthge bëët dï wïth juurre, ge bëëdö ni ge pääta nyeŋŋa na en kur keere, kiper jiy cäänö kiperge, ni ‹Moøgø beege jic Wuuö Jwøk ni ee cäŋ mänö yøø ki man bëëtge yi ŋöömme.›

Ciik Kiper Dïlämme 25:36

Ïïni, kär gïïa maae baŋï cwølï ni da wïthge; 'ba bëëdï niï lwäära Jwøk marï, nee ŋat pou lønye ki man bëëde dïïu.

Moa Tïïc Nyïïatwieli 9:31

Kanyøgø acook Jwøk mo Judia bäre, ki Galili ki Cameria, gena bëëdö ki bëët-mëër ni tëënge. Ni ge bëëdö ni ge wøøra Wuuö, ni meetge rege ki køør cøm cwïny mar Jwïëc Jwøk na en kur keere.

Wëëlö Mana Göör Pøølli Baŋ Jø Röm 2:24

Kiper ogöörö, ni «Nyeŋ Jwøk ajøøŋŋi dï juurre kiperu.»

1 Timöthi 5:14

'Ba a doo naa manynya man nywøm mään moø ni therø yøø, ni nywølge ki jiy, ni jekge mïëcge, nee nyimän ba jïte ki jöö man buu øøni ki gø.

Tayta 2:5

ni bëëtge ni wïthge leer, ni ge ciil ki raay bëët, ni mïëcge ege jiiŋŋø, ni ge mwöl, ni ge wø leŋa luup cwøwge, kiper nee bäŋe gïn mo jøøŋŋi ri luum Jwøk.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Camiel 2:24

Wui nyie wääta, luup moa wïnynya kiperu ni car jic Wuuö Jwøki yïthakicge keerge ii, paa wøpe na bäre.